
Rêxistinên kedê êrişa li dijî DEM Partiyê şermezar kirin

2024-05-11 15:05:42


	&nbsp;

	RIHA - Platforma Ked û Demokrasiyê ya Rihayê êrişa li dijî avahiya DEM Partiyê ya Bêrecûkê şermezar kir û wiha got: “Em hewldanên ku desteserkirina şaredariyê ya bi darê zorê şermezar dikin.”

	&nbsp;

	Platforma Ked û Demokrasiyê ya Rihayê, êrişên di 8 û 9’ê nîsanê de li dijî avahiya Partiya Wekhevî û Demokrasiyê ya Gelan (DEM Partî) a Bêrecûkê şermezar kirin. Di daxuyaniya li ber avahiyê hate dayîn de ji bilî pêkhateyên platformê Hevşaredar Bêrîvan Îlkaya Manas û gelek kes beşdar bûn. Di daxuyaniya dowîza “Ji xespa vînê re na” û pankarta “Em birûmeta xwe hene, bi berxwedanê mezin dibin, natirsin, li vir in” hate vekirin de berdevkê demê yê platformê Hevserokê Şaxa Sendîkaya Kedkarên Xizmetên Civakî û Tenduristiyê (SES) yê Rihayê Ferhat Demîr axivî.&nbsp;

	&nbsp;

	‘DIVÊ HERKES JI ENCAMAN RE RÊZÊ BIGIRE’&nbsp;

	&nbsp;

	Demîr, diyar kir ku li Bêrecûkê gel di 31’ê Adarê de DEM Partî tercih kir û wiha got: “Em li bendê ne ku herkes ji van encamên vîna gel derket holê re rêzê bigire. Em hewldayîna desteserkirina şaredariyê ya komekê an jî kesan ya bi rêya çek û gefê şermezar dikin.”

	&nbsp;

	‘EM LI CEM TÊKOŞÎNA GEL IN’&nbsp;

	&nbsp;

	Demîr, di berdewamiya axaftina xwe de ev tişt gotin: “Em weke komên girseyî yên demokratîk diyar dikin ku em li dijî kesên ku hewl didin siyasetê û tercîhên gel bi avaniyên paramîlîter dîzayn bikin in. Em daxwazên xwe yên herî baş ji rêxistina navçeya Bîrecikê, bi taybetî jî ji gelê Bîrecikê re radigihînin; Em dixwazin bê zanîn ku em li cem têkoşîna demokratîk a gelan in.”

	&nbsp;

	Daxuyanî bi çepikan bi dawî bû.&nbsp;