
Li Îranê 2 girtiyên jin dest bi greva birçîbûnê kirin 

2024-05-16 11:51:54


	&nbsp;

	NAVENDA NÛÇEYAN - Aktîvîstên mafên jinan Werîşe Mûradî û Pexşan Ezîzî ku 9 meh in li Îranê girtî ne, li dijî sirgunê dest bi greva birçîbûnê kirin.&nbsp;

	&nbsp;

	Tora Mafên Mirovan a Kurdistanê ragihand ku aktîvîsta mafên jinan û Endama Komelgeha Jinên Azad a Rojhilatê Kurdistanê (KJAR) Werîşe Mûradî ku di tebaxa sala 2023’yan de hatibû girtin, li ser biryara dadger di 14’ê gulanê de sirgunî Girtîgeha Hejmar 209 a girêdayî Wezareta Îtleatê hate kirin. Torê, da zanîn ku Mûradî li dijî vê sirgunê dest bi greva birçîbûnê kir.&nbsp;

	&nbsp;

	Hat ragihandin ku aktîvîsta mafên jinan Pexşan Ezîzî ku bi Mûradî re li heman girtîgehê tê ragirtin jî li dijî sewqkirinan dest bi greva birçîbûnan kiriye.&nbsp;

	&nbsp;

	Werîşe Mûradî di 1’ê tebaxa 2023’yan de li bajarê Sinê û Pexşan Ezîzî jî di 3’yê tebaxa 2023’yan de li Tehranê hatibû girtin. Piştî rapirsîna li Navenda Îtlaetê ya 5 mehan dom kirî, sewqî Girtîgeha Evînê hatibûn kirin.&nbsp;

	&nbsp;

	Bi ser girtina wan re 9 meh derbas bûne lê hêj jî pêvajoya darizandinê nehatiye destpêkirin.&nbsp;

	&nbsp;