
Li Wanê 21 kes hatin girtin 

2024-05-17 10:14:00


	&nbsp;

	WAN - Di çarçoveya lêpirsîna ji aliyê Serdozgeriya Komarê ya Wanê ve hate birêvebirin de ji 55 kesên ku di 13’ê gulanê de hatibûn binçavkirin 21 kes hatin girtin û 34 kes jî bi “şertê kontrola edlî” hatin berdan.&nbsp;

	&nbsp;

	Kar û barê îfadeya 55 kesên li Wanê bi hinceta tevli çalakiyên protestokirina nedayîna mazbataya Hevşaredarê Bajarê Mezin a Wanê Abdullah Zeydan bûne di 13’ê gulanê de hatibûn binçavkirin, bi dawî bû. Ji 55 kesên bi îdiaya “li hemberî polîsan derketine” , “endamtiya rêxistinê” û “zirar daye malê cemaweriyê” hatibûn binçavkirin 21 kes bi heman sûcdariyan hatin girtin, 34 kes jî bi şertê kontrola edlî hatin berdan.&nbsp;

	&nbsp;

	Li aliyê din ji 27 kesên di 2-3’yê nîsanê de di berxwedana Wanê de hatibûn binçavkirin û girtin 20 kes duh bi şev bi biryara navberê ya dadgehê hatin berdan. Bi îtîrazên beriya niha hatibûn kirin jî 7 kes hatibûn berdan.&nbsp;

	&nbsp;