
Girtiyê nexweş ê 72 salî krîza dil derbas kir 

2024-05-25 11:52:04


	&nbsp;

	ÊLIH - Girtiyê nexweş Mehmet Emîn Çam ê li Girtîgeha Qûbînê krîza dil derbas kir û rakirin nexweşxaneyê.&nbsp;

	&nbsp;

	Girtiyê nexweş Mehmet Emîn Çam ê 72 salî ku di lîsteya girtiyê nexweş a Komeleya Mafên Mirovan (ÎHD) de cih digire duh bi şev li Girtîgeha Tîpa T’yê ya Qûbîna Êlihê krîza dil derbas kir. Hat zanîn ku Çam rakirine Nexweşxaneya Perwerdehiyê û Lêkolînê ya Êlihê û hatiye anjiyokirin.&nbsp;

	&nbsp;

	Keça Çam, Şîmel Çam da zanîn ku wan duh agahiyê bihîstiye û çûne nexweşxaneyê. Çam destnîşan kir ku bijîşkan gotiye xetere li ser jiyana bavê wê nîne û ji ber nexweşiyên wî di beşa lênêrîna awarte de tê ragirtin. Çam xwest ku bavê wê bê tehliyekirin.&nbsp;

	&nbsp;

	Parlamentera DEM Partiyê ya Sêrtê Sabahat Erdogan Saritaş jî li ser hesabê xwe yê X’ê (twitter) ragihand Mehmet Emîn Çam krîza dil derbas kiriye û xwest ku dawî li îşkenceya li ser girtiyên nexweş were anîn.&nbsp;

	&nbsp;

	&nbsp;