
Hunermend Çîftçî beraet kir 

2024-05-28 10:39:13


	&nbsp;

	AMED - Hunermend Emel Çîftçî ku bi îdiayên “endamtiya rêxistinê” û “rêveberiya rêxistinê” dihat darizandin, ji doza xwe beraet kir.&nbsp;

	&nbsp;

	Serdozgeriya Komarê ya Enqereyê li ser îfadeyên şahidê nepen “Ulaş”, bi îdiayên “endamtiya rêxistinê” û “rêveberiya rêxistinê” doz li hunermend Emel Çîftçî vekiribû. Danişîna doza Çîftçî li 4’emîn Dadgeha Cezayên Giran a Amedê hat lidarxistin. Çîftçî, ji ber pirsgirêkên xwe yên tenduristiyê nekarî tev li bibe lê parêzerê wê Şerzan Yelboga amade bû.&nbsp;

	&nbsp;

	Dozger, mutalaaya xwe pêşkeş kir, bal kişand ser îfadeyên şahidê nepen û îdia kir ku sûcên li Çîftçî pê tê tawanbarkirin neguhêr in. Dozger xwest ku Çîftçî ji ber îdiaya “rêveberiya rêxistinê” were cezakirin û ji bo îdiaya “endamtiya rêxistinê” jî tu daxwaz nekir.&nbsp;

	&nbsp;

	Parêzer Yelboga jî di parastina xwe de got ku ji bilî îfadeyên şahidê nepen tu delîl di dosyayê de nînin. Yelboga, biryara Dadgeha Bilind a “Tenê li ser îfadeyên şahidên nepen nabe ku hukm were dayîn” bi bîr xist û xwest miwekîla wî beraet bike.&nbsp;

	&nbsp;

	Dadgehê jî ji bo her du tawanbariyan jî biryara beraetê da.&nbsp;

	&nbsp;