
Saziyên sivîl û partiyên siyasî li dijî mufredata nû biryara 'têkoşîna hevpar' girtin

2024-05-28 13:58:48


	&nbsp;

	ENQERE - Partiyên siyasî û rêxistinên sivîl ên civakî ku “Modela Maarîfê ya Sedsala Tirkiyeyê” weke “li dijî jiyana demokratîk û laîk” şirovekirin, li dijî mufredatê biryara xwe ya xeta têkoşîna hevpar aşkere kirin û xwestin ku mufredatê bi paş ve bikişînin.

	&nbsp;

	Rêxistinên pîşeyî û perwerdehiyê, rêxistinên sivîl ên civakî, rêxistinên girseyî yên demokratîk û partiyên siyasî li dijî “Modela Maarîfê ya Sedsala Tirkiyeyê” ku Wezareta Perwerdehiyê pejirand biryara têkoşîna hevpar wergirtin. Biryar di civîna çapemeniyê ya li Navenda Giştî ya Sendîkaya Kedkarên Zanîst û Perwerdehiyê (Egîtîm-Sen) ya li Enqereyê hate lidarxistin de hate aşkerekirin.&nbsp;

	&nbsp;

	Serokê Giştî yê Egîtîm Sen’ê Kemal Irmak anî ziman ku li pişt plana mufredatê tarîqet û cemaet hene û xwestin müfredat bi paş ve were şandin û neyê pêkanîn. Irmak, ragihand ku dê şûna mufredata hate qebûlkirin, ji bo li gorî welat mufredatek were çêkirin dê bi rêxistinên girseyî û partiyên siyasî re bernameyeke têkoşînê ava bikin.

	&nbsp;

	‘NAVEROK LI PIŞT 100 SAL BERÊ YE’&nbsp;

	&nbsp;

	Irmak, bi bîr xist ku nehate aşkerekirin ku dema çêkirina mufredatê de Wezareta Perwerdehiyê bi kîjan saziyan re komxebat kiriye û wiha domand: “Mufredata ku dîroka wê nû ye lê naveroka wê li pişt 100 sal berê ye hate îmzekirin. Wezaretê têkildarî mufredata aşkere kir de hefteyek wext dabû û bi lêv kiribû ku ji pêşniyar, nêrîn û rexneyê re vekiriye. Ji bo mufredata ku dema amadekirina wê 10 sal in dixwast di nava 10 rojan de nêrîn û pêşniyar bên kirin. Me di vê pêvajoyê de bi zelalî dît ku her tişt çiqas xeyalî ye, di xebatên wiha de çiqas necidî ne û tiştên dikin formalite ne û lîstikekê dilîzin.”

	&nbsp;

	‘DEMILDEST BI PAŞ VE BIKIŞÎNIN’&nbsp;

	&nbsp;

	Irmak, ê mufredat weke li dij derketinekê şirove kir, ev tişt gotin: “Nêzîkatiyên cihekarî, dijberî, tune hesibandin û paşverû derxistine pêş û bi vê mufredatê li ser sedemên li jor hatin rêzkirin dijberiya jiyana demokratîk û liberal hatiye hedefgirtin. Em weke yên îmzeya wan li jêr hene wezîr û desthilatê hişyar dikin û bang dikin ku vê mufredatê demildest ‘bi paş ve’ bikişînin.”

	&nbsp;

	Rêxistin, komele û partiyên ku biryara têkoşîna hevpar girtin û xwestin mufredat bi paş ve were kişandin wiha ne: DEM Partî, CHP, Partiya Çep, EMEP, SYKP, KESK, Egîtîm-Sen, Egît-Der, Meclisa Laîktiyê, Malên Gel (Halkevleri), Federasyona Elewî Bektaşiyan, ÎHD, Komeleya Çandê ya Pîr Sûltan Abdal, Weqfa Çandê ya Haci Bektaşî Velî ya Anatoliyayê, Velî-Der, Ov-Der, Sendîkaya Mamosteyan, Komeleyên Çandê yên Elewiyan.

	&nbsp;