
Ekîn Ceren li ser gora xwe hat bibîranîn 

2024-05-31 15:10:08


	ENQERE - Ekîn Ceren Dogrûak li ser gora xwe ya li Enqereyê hat bibîranîn.&nbsp;

	&nbsp;

	Ekîn Ceren Dogrûak (Amara) li gel hevala Uta Schneiderbanger (Nûdem) di 31’ê gulana 2005’an de li qesaba Qeladizê ya bajarê Silêmaniyê qezaya trafîkê kiribûn û jiyana xwe ji dest dabû. Ekîn Ceren di 19 saliya salvegera wefata xwe de li ser gora xwe ya li Goristana Karşiyaka Enqereyê hat bibîranîn. Rêveberên DEM Partiyê û rêveberên Komeleya Mafên Mirovan û gelek kes beşdarî bîranînê bûn. Ji bo cangoriyên têkoşîna azadiyê rêz hat girtin.&nbsp;

	&nbsp;

	'TÊKOŞÎNA WAN RÊ NÎŞANÎ ME DIDE’&nbsp;

	&nbsp;

	Hevserokê DEM Partiyê yê Enqereyê Fatîn Kanat axivî û diyar kir ku Ekîn Ceren û hevalên xwe ji bo têkoşîna azadiya gelan bûne hêvî û mînak û got: “Ew her di dilê me de ne. Têkoşîna wan rê nîşanî me dide.”&nbsp;

	&nbsp;

	'BAWERIYA XWE BI TÊKOŞÎNÊ ANÎ’&nbsp;

	&nbsp;

	Bavê Ekîn Ceren, Nusret Dogrûak jî da zanîn ku keça wî bi îrade û berxwedêr bû û bîranînên keça xwe parve kir. Dogrûak anî ziman ku keça wî di salên 90’î de li zanîngeha Enqereyê tevgera azadiya Kurdistanê nas kiriye û wiha got: “Em tu carî li ber rêya wê da pêşiya xwe nebûn asteng. Wê bi xwe gotibû, ‘Ji bo ez bawer dikim û dixwazim tev li vê têkoşînê dibim’. Divê em dest ji têkoşîna wan bernedin.”&nbsp;

	&nbsp;

	Piştî axaftinan beşdarên bîranînê beybûnên ku Ekîn Cerenê jê hez dikir danîn ser gora wê.&nbsp;

	&nbsp;

	&nbsp;