
GOÇ-ÎZDER’ê rêveberiya xwe ya nû bijart 

2024-06-01 15:36:07


	&nbsp;

	STENBOL - GOÇ-ÎZDER’ê kongreya xwe li dar xist û rêveberiya xwe ya nû bijart. Axiveran di kongreyê de bal kişandin ser tecrîdkirina Rêberê PKK’ê Abdullah Ocalan.&nbsp;

	&nbsp;

	Komeleya Şopandina Koçberiyê (GOÇ-ÎZDER) li Navenda Çandê ya Nazim Hîkmet a li Şîşliya Stenbolê Kongreya Asayî ya 3’yemîn li dar xist. Gelek nûnerên partiyên siyasî û rêxistinên sivîl û welatî beşdarî kongreyê bûn. Di kongreyê de pankarta, “Werin em cîhanek bê sînor, bê şer, bê îstîsmar ava bikin” hat daliqandin.&nbsp;

	&nbsp;

	‘DIVÊ OCALAN BIGÎHIJE AZADIYA XWE’&nbsp;

	&nbsp;

	Siyasetmedar Mehmet Karadag di kongreyê de axivî û anî ziman ku Rêberê PKK’ê Abdullah Ocalan ji roja hatiye girtin ve bi tecrîdek girankirî re rû bi rû ye û got: “Divê tecrîda li ser birêz Abdullah Ocalan bê rakirin û bigihîje azadiya xwe. Rakirina tecrîdê meseleya man û nemanê ye.”&nbsp;

	&nbsp;

	‘ŞER KOÇBERIYÊ TÎNE’&nbsp;

	&nbsp;

	Parlamentera DEM Partiyê ya Stenbolê Ozgul Sakî jî bal kişand ser koçberiya kurdan a di salên 90’î de ji Kurdistanê ber bi metropolên Tirkiyeyê ve û da zanîn ku şer koçberiyê bi xwe re tîne û xwest dawî li polîtîkayên şer û koçberiyê bê anîn.&nbsp;

	&nbsp;

	&nbsp;

	Raporên xebatê û maliyê yên komeleyê hatin xwendin. Kamîle Kandal û Abdullah Kiliç ji bo hevserokatiya komeleyê hatin bijartin.&nbsp;

	&nbsp;

	&nbsp;

	&nbsp;

	&nbsp;