
Nobeda Edaletê di roja 119’an de ye: Dayika Emîne bûye hêviya gelê me 

2024-06-01 16:50:48


	&nbsp;

	ENQERE - Emîne Şenyaşar a ku 119 roj in daxwaza edaletê dike, carek din wê negirtin hundirê wezaretê. Endamên TMMOB’ê serdana wê kirin û gotin têkoşîna malbatê ji bo gel bûye hêvî.&nbsp;

	&nbsp;

	Nobeda Edaletê ya Emîne Şenyaşar a li ber Wezareta Dadê ya li Enqereyê di roja 119’an berdewam dike.&nbsp;

	&nbsp;

	Emîne Şenyaşar û lawê xwe parlamenterê DEM Partiyê Ferît Şenyaşar çûn ber avahiya Wezareta Dadê û carek din wan negirtin hundirê avahiyê. Endamên Yekitiya Odeyên Endezyar û Avahîsazan a Tirk (TMMOB) ên Wan, Amed, Mêrdîn, Riha û Êlihê serdana malbatê kirin û piştevanî dan nobedê.&nbsp;

	&nbsp;

	Hevserokê Odeya Endeyzarên Ceyranê (EMO) a Şaxa Amedê Ûfûk Bûlût axivî û destnîşan kir ku ew li cem têkoşîna Emîne Şenyaşar in û xwest daxwaza edaletê ya dayika Emîne were qebûlkirin.&nbsp;

	&nbsp;

	Sekreterê Desteya Koordînasyona Bajêr a TMMOB’a Amedê Mahsûm Çiya Korkmaz jî di serdanê de axivî û wiha got: “Ev 100 sal in li Kurdistanê kuştinên kiryar nediyar tên kirin û diqewimin. Em di şexsên cangoriyên xwe de dibêjin, bila ev kuştinên kiryar nediyar werin ronîkirin. Têkoşîna wan têkoşîna me ye.”&nbsp;

	&nbsp;

	‘BÛYE HÊVIYA GELÊ ME’&nbsp;

	&nbsp;

	Hevserokê Odeya Avahîsazan a Amedê yê berê Şerefxan Aydin jî di serdanê de axivî û wiha got: “Dayika Emîne doz, berxewdan û têkoşînek bi heybet e. Tu mînakê vê têkoşînê tune ne. Helwestek û têkoşînek bêwestan dide. Ji bo hemû gelê me bûye hêvî. Em bejna xwe li ber vê sekn û heybetiya wê ditewînin. Em jî bi hêvî ne ku wê di demek nêz de daxwazên dayika Emîne werin bicihanîn.”&nbsp;

	&nbsp;

	Piştî çalakiyê Emîne Şenyaşar û Ferît Şenyaşar derbasî Meclisê bûn.&nbsp;

	&nbsp;