
Parêzerek din jî ji doza îtîrafkar Akbiyik hat beraetkirin 

2024-06-04 13:33:04


	&nbsp;

	AMED - Parêzer Pîrozxan Karaalî ya ku li ser beyanên îtîrafkar Umît Akbiyik dihat darizandin, di danişîna ewil de hat beraetkirin.&nbsp;

	&nbsp;

	Parêzer Pîrozxan Karaalî ya ku ji ber xebatên xwe yên meslekî li ser beyanên îtîrafkar Umît Akbiyik dihat darizandin, beraet bû. Danişîna ewil a dozê li 4’emîn Dadgeha Cezayê Giran a Amedê hat lidarxistin. Umît Akbiyik ê îtîrafkar bi rêya SEGBÎS’ê beşdarî danişînê bû û Karaalî û parêzerên xe Mehdi Ozdemîr û Riza Polat li eywana danişînê amade bûn.&nbsp;

	&nbsp;

	Îtîrafkar Akbiyik da zanîn ku parêzer Karaalî li emniyetê beşdarî îfade girtina wî bûye û wek din tu tiştekî derheqê wê de nizane.&nbsp;

	&nbsp;

	Karaalî parastina xwe ya li dozgeriyê dubare kir û xwest bê beraetkirin.&nbsp;

	&nbsp;

	Dozger xwest bi îdiaya “endamtiya rêxistinê” Karaalî bê cezakirin. Karaalî li dijî esasê axivî û got ku wê tenê parêzerî kiriye, ew sûcdariyek wiha qebûl nake û xwest bê beraetkirin.&nbsp;

	&nbsp;

	Parêzeran jî li dijî mutalayê parastina miwekîla xwe kir û xwestin hevpîşeya wan bê beraetkirin.&nbsp;

	&nbsp;

	Şandeya dadgehê biryara xwe eşkere kir û diyar kir ku delîlên şênber ên ku bibin mijara sûcdariyê tune ne û biryara beraetê da.&nbsp;

	&nbsp;

	&nbsp;