
Îdianameya têkildarî şewata Kuluba Şevê: 22 sal û 6 meh cezayê hefsê hat xwestin 

2024-06-06 13:08:05


	&nbsp;

	STENBOL - Îdianameya doza şewata kuluba şevê ya li Beşîktaşê ku 29 kesan jiyana xwe ji dest dabûn hate temamkirin. Di îdianameyê de ji bo 9 bersûcan ji 2 sal û 8 mehan heta 22 sal û 6 mehan ceza hate xwestin.&nbsp;

	&nbsp;

	Di şewta kuluba şevê ya li Beşîktaş a Stenbolê de 29 kesan jiyana xwe ji dest dabûn û îdianameya têkildarî şewatê hate temamkirin. Di çarçoveya lêpirsîna Serdozgeriya Komarê ya Stenbolê de derheqê 9 kesan de bi sedema “bi qisûra zanebûn bûne sedema mirin û birîndarbûna gelek kesan” doz hatibû vekirin. Di îdianameyê de ji bo her 9 kesan heta 22 sal û 6 mehan cezayê hefsê hate xwestin.&nbsp;

	&nbsp;

	Di îdianameyê de 27 gilîker û 9 bersûc hene. Di îdianameyê de ji ewil qala kesên di şewatê de jiyana xwe ji dest dayîn hate kirin. Di encama xebatên dozgerî û şandeya kesên pispor de hat tespîtkirin ku xwediyên kuluba şevê Şahzade Şekergumuş, Fatma Dortgul û Mehmet Menduh Ceylan û midûrê berpirsyar jî Îsmet Şen e.&nbsp;

	&nbsp;

	PERWERDE NEHATIYE DAYÎN&nbsp;

	&nbsp;

	Di îdianameyê de hat destnîşankirin ku li gorî xala “berpirsyartiya giştî ya karsaz” a di Qanûna Tenduristî û Ewlehiya Kar de nehatiye tevgerîn û karker nehatine perwerdekirin. Hat gotin ku şewat ji ber çirûskên makîneya qeynaxkirinê derketiye, pergala vemirandinê ya sprînkeran û dolabên şewatê nedixebitiyan û ekîpmanên kar weke di qanûnê de hatine destnîşankirin nebûne. Bi domdarî kêmasiyên din hatin rêzkirin û hat gotin ku bersûc biqisûr in.&nbsp;

	&nbsp;

	DÊ XEBATKARÊN ŞAREDARIYÊ CUDA BÊN DARIZANDIN&nbsp;

	&nbsp;

	Di îdianameyê de hat gotin ku dê cîgirên Şaredarê Beşîktaşê yên demê, midûrê venêrîna rûxsetê, cîgirê midûrê agirkujiyê yê Şaredariya Bajarê Mezin a Stenbolê û amirê zabiteyên agirkujiyê jî cuda bên darizandin.&nbsp;

	&nbsp;

	CEZAYÊ HATIYE XWESTIN

	&nbsp;

	Di îdianameyê de ji ber sûcê “Bi qisûra zanebûn bûne sedema mirin û birîndarbûna gelek kesan” li bersûc Kahraman Erdem, Çagatay Altunel, Şahzade Şekergumuş, Fatma Dortgul, Mehmet Memduh Ceylan, Îsmet Şen, Dursun Çelîk, Sîbel Çelîk û Îbrahîm Bîldirîcî ji 2 sal û 8 mehan heta 22 sal û 6 meh cezayê hefsê hate xwestin.&nbsp;

	&nbsp;

	Îdianame ji hêla 33’yemîn Dadgeha Cezayên Giran a Stenbolê ve hate qebûlkirin û bersûc dê di rojên pêş de derkevin pêşberî dadger.&nbsp;

	&nbsp;