
DEM Partiyiyan pankarta ‘Bicehnime qeyûm’ bi Pira Bogazîçiyê ve daliqandin

2024-06-06 13:58:51


	&nbsp;

	STENBOL - Parlamenterên DEM Partiyê yên Stenbolê li dijî tayînkirina qeyûm a li Şaredariya Colemêrgê pankarta “bicehnime qeyûm” bi Pira Bogazîçiyê ve daliqandin û li dijî feraseta qeyûm banga têkoşîna hevpar li rêxistinên girseyî yên demokratîk kirin.&nbsp;

	&nbsp;

	Hevberdevkê Kongreya Demokratîk a Gelan (HDK) Cengîz Çîçek û parlamenterên Stenbolê Kezban Konûkçû û Celal Firat bi armanca protestokirina tayînkirina qeyûm a li Şaredariya Colemêrgê pankarta “bicehnime qeyûm” bi Pira Bogazîçiyê ve daliqandin.&nbsp;

	&nbsp;

	ÇÎÇEK: DÊ DARBEKAR WINDA BIKIN&nbsp;

	&nbsp;

	Parlamenteran piştî daliqandina pankartê li ser pirê axaftinek kirin. Hevberdevkê HDK’ê Çîçek ê ewilî axivî, wiha got: “Ji Geziyê heta Kobanê ji Stenbolê heta Colêmêrgê yên ku winda bikin dê bibin darbekar. Yên ku serbikevin jî dê bibin gelên Kurdistan û Tirkiyeyê. Em ê serbikevin.”

	&nbsp;

	KONÛKÇÛ: DIVÊ EM LI DIJÎ FERASETA QEYÛM BI HEV RE LI BER XWE BIDIN

	&nbsp;

	Parlamentera DEM Partiyê Kezban Konûkçû ya pişt re axivî jî diyar kir ku destûr nadin ku vîna gelê kurd were xespkirin û ev bang li rayagiştî kir: “Ji ber ku xespkirina vîna gelê kurd, xespkirina vîna hemû gelan e. Ji bo ku vê pergala talan û derewan bidomînin her tim vîna gelê kurd xesp dikin. Em vê qebûl nakin. Em ji vir bang li hemû girseyên demokratîk dikin; divê em li dijî feraseta qeyûm bi hev re li ber xwe bidin. Em neçarin ku bên bahev.”

	&nbsp;

	FIRAT: SERKEFTIN YA ME YE

	&nbsp;

	Parlamenterê DEM Partiyê Celal Firat jî wiha got: “Hem hûn ê bibêjin ‘serwerî bê şert û merc a gel e’ hem jî qeyûm tayînî vîna gel bikin. Heke serwerî bê şert û merc a gel be wê demê divê teqez rêzê ji vîna gel re bigirin. Serkeftin ya me ye.”

	&nbsp;

	Parlamenteran pişt re ligel çepik û tilîliyan dirûşmeya “Bijî berxwedana Colemêrgê” berz kirin. &nbsp;

	&nbsp;

	&nbsp;