
Siyasetmedar Ferîdûn Yazar li ser gora xwe hat bibîranîn 

2024-06-12 12:12:12


	&nbsp;

	RIHA - Siyasetmedarê kurd Ferîdûn Yazar di salvegera wefeta xwe ya 8’emîn de li ser gora xwe hat bibîranîn.&nbsp;

	&nbsp;

	Siyasetmedarê kurd Ferîdûn Yazar yê ji sazûmankarê Partiya Kedê ya Gel (HEP) di salvegera wefata xwe ya 8’emîn de li ser gora xwe ji aliyê malbat, siyasetmedar û hezkiriyên xwe ve hat bibîranîn. Bernameya bîranînê li ser gora Yazar a li gundê Ordekê ya bi ser navçeya Karakopruyê ya Rihayê ve hat lidarxistin. Malbata Yazar, hevşaredarên Hewagê Îsmaîl Yildiz û Aygul Kapikayali, rêveberên DEM Partî û DBP’ê, pêkahteyên Platforma Ked û Demokrasiyê ya Rihayê û gelek kes tev li bîranînê bûn.&nbsp;

	&nbsp;

	Bîranînê bi rêzgirtinê dest pê kir. Hevserokê DEM Partiya Rihayê Bekîr Karakeçîlî bal kişand ser têkoşîna Ferîdûn Yazar û got: “Wê ji bo me mîrasek berxwedanê hişt. Em ê xwedî li mirasa wî derkevin. Em ê ala wî ya ku daye destê me heta serkeftinê hilbigirin.”

	&nbsp;

	'EM LI SER RÊYA WE DIMEŞIN’&nbsp;

	&nbsp;

	Keça Yazar û Hevşaredara Serêkaniyê Rahşan Yazar jî da zanîn ku ew li ser rêya bavê xwe û hevrêyên wî dimeşin û wiha got: “Meşa li ser vê rêyê rûmet e. Em hewl didin hêjayî berxwedan û têkoşîna te û hevrêyên te bimînin. Armanca me ya mezin ew e ku em daxwaziyên we nîvco hiştin, pêk bînin.”&nbsp;

	&nbsp;

	&nbsp;

	Piştî axaftinan beşdaran çîçek danîn ser gorê. Piştî bîranîna li goristanê şande çû serdana malbata Yazar a li gund.&nbsp;

	&nbsp;

	&nbsp;