
‘Meşvanên Demokrasiyê’ gihiştin Colemêrgê 

2024-06-12 16:26:38


	&nbsp;

	COLEMÊRG - “Meşa Demokrasiyê” ku bi pêşengtiya rêxistinên civaka sivîl û partiyên siyasî li Colemêrgê li dijî xespkirina îradeyê hatibû destpêkirin, gihişt Colemêrgê. Şande dê ji vir ber bi navendê ve bimeşe.&nbsp;

	&nbsp;

	Li dijî xespkirina îradeyê ya li Colemêrgê dê sibe (13’ê hezîranê) bi pêşengtiya Kongreya Civaka Demokratîk (KCD), Kongreya Demokratîk a Gelan (HDK9, Partiya Herêmên Demokratîk (DBP), Tevgera Jinên Azad (TJA), Partiya Wekhevî û Demokrasiyê ya Gelan (DEM Partî) û pêkhateyên wê, Tifaqa Ked û Azadiyê û rêxistinên civaka sivîl li navenda Colemêrgê bi dirûşma “Şaredarî yên gel in em ê destûr nedin bên xespkirin” mitîng bê lidarxistin. Beriya mitîngê “Meşa Demokrasiyê” hatibû destpêkirin û meş di roja sêyemîn de gihişt navenda bajar. Meş, sê roj berê li navçeya Şemzînanê hatibû destpêkirin, duh li navçeya Geverê û îro jî li navçeya Çelê û gundên wê berdewam kir. Meş, bi serdanên li navenda Çelê û gundên wê dom kir.&nbsp;

	&nbsp;

	Hevseroka Giştî ya DBP’ê Çîgdem Kiliçgun Uçar, parlamenter û welatî tev li meşê bûn. Di serê sibehê de meşvan li navçeya Çelê çûn serdana esnafan û gelek caran dirûşmên “Jin, jiyan, azadî”, “Qeyûm bicehime, şaredarî yên me ne” û “Bijî berxwedana Colemêrgê” hatin berzkirin.&nbsp;

	&nbsp;

	'PÊŞÎ LI RÊVEBERIYÊN HERÊMÎ TÊ GIRTIN’

	&nbsp;

	Uçar, di serdanên esnafan de wiha got: “Hêj Komara Tirkiyeyê nehatî avakirin jî em li ser vê xakê bûn. Nahêlin li xaka em bi ziman û çanda xwe dijîn xelk xwe bi xwe birêve bibe. Ma zirara vê ji bo kê heye? Me weke sûcdaran nîşan didin lê sûcê herî mezin yê îktîdara AKP-MHP’ê ye. Ev partî ne civînên komê, civînên gefxwarinê li dar dixin. Tu hevalên me sûcdar nînin. Cezayên li me tên birîn, wesîqeya AKP’ê ya pirsgirêka kurd û înkarê ye.”&nbsp;

	&nbsp;

	WELATIYAN PIŞTGIRÎ DAN MEŞÊ

	&nbsp;

	Meşvan, piştî serdanên li navendê çûn serdana gundên Serêspiya, Dêra Mersa û Dizê. Welatiyên hemû gundan jî qeyûm weke zilm nirxandin û gotin ku ew sepana tayînkirina qeyûman qebûl nakin. Welatiyan gotin ku ew ê tev li mitîngê bibin û xwedî li îradeya xwe derkevin. Welatiyan gotin ku dê li dijî polîtîkayên pişaftinê derkevin.&nbsp;

	&nbsp;

	BI HEZARAN KESAN RE HATIN GEL HEV

	&nbsp;

	Meşvan, piştî serdanan meşa xwe di roja sêyemîn de gihişt navenda Colemêrgê. Di çarçoveya meşê de 3 navçe û zêdetirî 50 gund hatin ziyaretkirin. Meşvan, bi hezaran kesan re hatin gel hev û li her derê polîtîkayên îktîdarê yên tayînkirina qeyûm û yên li dijî gelê kurd vegotin.&nbsp;

	&nbsp;