
ÎKK ya TMMOB’ê: Hewldanên DEDAŞ’ê yên tamîrkirinê ji holêrakirina delîlan e

2024-06-23 20:32:25


	&nbsp;

	AMED - ÎKK ya Amedê ya TMMOB’ê di pêş rapora xwe ya teknîkî ya têkildarî şewata li Çinar û Şemrexê amade kiriye de bal kişand ku tamîrkirina DEDAŞ’ê ya dîrekên ceyranê ya di 21’ê hezîranê de li herêmê ji holêrakirina delîlan e.

	&nbsp;

	Lijneya Kordînasyona Bajêr (ÎKK) a Amedê ya Yekitiya Odeyên Avahîsaz û Endezyaran a Tirk (TMMOB) pêşrapora xwe ya teknîkî ya têkildarî şewatên li navçeya Xana Axpar (Çinar) a Amedê û navçeya Şemrex a Mêrdînê amade kiriye weşand.&nbsp;

	&nbsp;

	Di raporê de hate diyarkirin ku piştî şewatê di 21’ê hezîranê de li gundên Botîkan, Tobînî û Herberê yên Çinarê û gundê Kelêkê û Şewaşî yên Şemrexê lêkolîn hatiye kirin. Hate diyarkirin ku di lêkolîna hatiye kirin de zeviyên çandiniyê, mêrg û qadên daristanî jî di nav de li qadeke 55 hezar dekarî de şewat bi bandor bûye.&nbsp;

	&nbsp;

	‘NE ŞEWATA PIREZEYAN E’ &nbsp;

	&nbsp;

	Di raporê de hate diyarkirin ku hatiye dîtin ku ji ber palehî hêj nehatiye kirin, pireze nehatine şewitandin û şewat ji ber pirezeyan derneketiye.&nbsp;

	&nbsp;

	‘HEWLDANA JIHOLÊRAKIRINA DELÎLAN E’&nbsp;

	&nbsp;

	Di raporê de bal hate kişandin ku li cihê derketina şewatê mudaxileya tîmên DEDAŞ’ê hatiye dîtin û tamîrkirina DEDAŞ’ê ya dîrekên ceyranê yên li herêmê ji holêrakirina delîlan e.

	&nbsp;

	&nbsp;

	&nbsp;