
Derheqê 3 kesên biryara ‘Operasyona Vegera li Jiyanê’ dabûn serlêdana sûc hat kirin 

2024-06-24 14:39:26


	&nbsp;

	STENBOL - Derheqê Wezîrê Karên Hundir ê demê Sadettîn Tantan, Serokê Daîreya Îstîxbaratê ya Fermandariya Giştî ya Cendirmeyan Alî Aydin û Midûrê Giştî yê Girtîgehan Alî Suat Ertosun ku biryara “Operasyona Vegera li Jiyanê” îmze kiribûn de serlêdana sûc hate kirin.&nbsp;

	&nbsp;

	Di 19’ê kanûna 2000’î de li Girtîgeha Bayrampaşayê di bin navê “Operasyona Vegera li Jiyanê” komkujiyek hate kirin. Pêvajoya darizandinê ya têkildarî komkujiyê hêj didome. Di komkujiyê de 12 kes hatin qetilkirin û 29 kes jî birîndar bûn. Di dozê de li Wezîrê Karên Hundir ê demê Sadettîn Tantan û Serokê Daîreya Îstîxbaratê ya Fermandariya Giştî ya Cendirmeyan Alî Aydin û Midûrê Giştî yê Girtîgehan Alî Suat Ertosun weke şahid hatibû guhdarîkirin. Derheqê her sê kesan de serlêdana sûc hate kirin.&nbsp;

	&nbsp;

	Ji parêzerên dozê Guçlu Sevîmlî derheqê her sê kesan de serlêdana sûc kir. Di serlêdanê de hat destnîşankirin ji komkujiya hatiye kirin Tantan, Aydin û Ertosun yekser berpirsyar in û hat xwestin ku bên cezakirin.&nbsp;

	&nbsp;