
Ji ÎHD'ê ji bo penaberan banga 'dengderxistinê'   

2024-07-05 19:02:06


	&nbsp;

	ENQERE – Di "Nobeda Aştiyê" ya ÎHD'ê de îşaret bi êrişên li hemberî penaberan hat kirin û wiha hat gotin: "Ji bo bidawîbûna êrişan em her kesî vedixwînin dengderxistinê û bilindkirina têkoşînê."&nbsp;

	&nbsp;

	Şaxa Komeleya Mafên Mirovan (ÎHD) a Enqereyê, di çalakiya "Nobeda Aştiyê" de ku îna ewil a her mehî li dar dixe û bal dikişine ser binpêkirinên mafan, vê mehê îşaret bi êrişên nijadperest ên li hemberî penaberan. Daxuyanî bi ser navê "Em ji êrişên nijadperest û polîtîkayên nefretê ên li hemberî penaberan dibêjin bes e" hgat dayîn. Rêxistina Partiya Wekhevî û Demokrasiyê ya Gelan (DEM Partî) a Enqereyê, Hewldana 78'an a Şoreşger û endamên Şaxa ÎHD a Enqereyê beşdarî daxuyaniyê bûn.&nbsp;

	&nbsp;

	Piştî daxuyaniyê li avahiya şaxê Nobeda Edaletê hat girtin.&nbsp;

	&nbsp;

	Endamê Lijneya Rêveber a Navendî ya ÎHD'ê Nuray Çevîrmen di daxuyaniyê de biaxive. Çevîrmenê anî ziman ku li Tirkiye û Rojhilata Navînê ku gelek kriz li wan çêdibin polîtîkayên nefretê yên li dijî penaberan di rojevê de ne.&nbsp;

	&nbsp;

	Çevîrmenê destnîşan kir ku dem bi dem êrişên bi qasî pogromayê li hemberî penaberan pêk tên û got ku penaberên sûriyeyî gelek carana rastî tundiyê tên û ji ber ku ditirsin doza mafên xwe nakin.&nbsp;

	&nbsp;

	Çevîrmenê bibîr xist ku piştî bûyera tacizê di serî de li Kayseriyê li gelek bajaran penaberên sûriyeyî rastî êrişên nijadperest tên û got ku êrişên li hemberî penaberan didomin.&nbsp;

	&nbsp;

	Di daxuyaniyê de îşaret bi têkoşîna li dijî êrişên nijadperest ên li hemberî penaberan hat kirin û wiha hat gotin: "Ji bo bidawîbûna êrişan em her kesî vedixwînin dengderxistinê û bilindkirina têkoşînê."&nbsp;

	&nbsp;