
Faîlên Mîhyaz û Aslan hatin pirsîn

2024-07-06 15:36:47


	NAVENDA NÛÇEYAN - ÎHD’ê û xizmên windayan faîlên Îkram Mihyaz û feysel Aslan ê di sala 1994’an de hatine revandin pirsîn.&nbsp;

	Çalakiya Komeleya Mafên Mirovan û xizmên windayan a li Colemêrgê ya her hefteyê û çalakiya Îzmîrê ya 2 hefteyan carekê ya bi daxwaza “Bila winda bên dîtin, faîl werin darizandin” dom kirin.

	&nbsp;

	COLEMÊRG

	&nbsp;

	Şaxa Komeleya ÎHD’a Colemêrgê û xizmên windayan di 130’emîn a çalakiya xwe ya bi daxwaza “Bila winda bên dîtin, faîl werin darizandin” de li Kuçeya Hûnerê ya navçeya Gevera hatin ba hev. Xizmên windayan, Dayikên Aştiyê, rêveber û endamên Partiya Herêmên Demokratîk (DBP) Partiya Wekhevî û Demokrasiyê ya Gelan (DEM Partî) û gelek welatî tev li çalakiyê bûn. Di çalakiyê de pankarta “Bila winda bên dîtin, faîl bên darizandin” hate vekirin û wêneyên kesên hatine qetilkirin û windakirin hatin hilgirtin. Di çalakiya vê hefteyê de faîlên Feysel Aslan ê di sala 1994’an de piştî hatiye qetilkirin û îşkence li cenazeyê wî hatiye kirin, hatin pirsîn.&nbsp;

	&nbsp;

	Çiroka Feysel Aslan ji hêla biraziya wê Rojda Aslanê ve hate xwendin.&nbsp;

	&nbsp;

	ÎZMÎR

	&nbsp;

	Şaxa ÎHD’a Îzmîrê jî li pêşiya Sumerbank a berê daxuyanî dan. Di daxuyaniyê de pankarta “Faîl diyar in, winda li ku derê ne? hate vekirin û dovîzên ji wêneyên windayan hatine çêkirin, hatin hilgirtin. Nûnerên rêxistinên sivîl û gelek welatî tev li daxuyaniyê bûn. Di daxuyaniyê de faîlên Îkram Mihyaz ê di 5’ê tîrmeha 1994’an de hatiye revandin û windakirin hatin pirsîn. Kurdiya daxuyaniyê ji hêla Hevseroka Şaxa ÎHD’a Îzmîrê Zîlan Gumuş, tirkiya wê jî hevserokê şaxê Alî Aydin xwend.&nbsp;

	&nbsp;

	‘BILA FAÎL BÊCEZA NEMÎNIN’

	&nbsp;

	Di daxuyaniyê de hat gotin ku bila doz ji demboriyê re nemîne, darizandin ji nû ve were kirin û wiha hat gotin: “Em dizanin ku hemû binpêkirinên mafan ên hevrûbûn nehatine kirin, di salên piştre bi zêdebûnê ve derdikevin pêşberî me û em dibêjin ku di sûcên li dijî mirovahiyê hatine kirin de domborî nabe. Bila faîl bêceza nemînin.”&nbsp;

	&nbsp;