
'Meşa Rêzgirtina li Vînê' hefteyek li dû xwe hişt 

2024-07-06 20:09:27


	WAN - Meşa “Rêzgirtina li Vînê” gihişt Geliyê Zapê. Meşvanan li vir tevî germa zêde jî meşa xwe berdewam kirin û bi dirûşme û stranên xwe biryarbûyîna xwe nîşan dan.

	Meşa “Rêzgirtina Li Vînê” ku di 30’ê hezîranê li Stenbolê li dijî tayînkirina qeyûm a li ser Şaredariya Colemêrgê destpêkir, di roja 7’an de gihişt ser Geliyê Zapê. Meşvanan îro di danê sibê de li navçeya Elbakê ya Wanê dest bi meşa xwe kirin û bi dirûşemeyên “Jin jiyan azadî”, “Colemêrg ya me şaredarî ya me ye”, “Bijî berxwedana gelê kurd” û “Kurdistan, goristan ji bo faşîstan” ket di nava sînorên Colemêrgê. Di meşê de ji bilî hevserok, partiyî û hevşaredaran hevserokê Partiya Herêmên Demokratîk Keskîn Bayindir jî tev li meşê bû.

	&nbsp;

	JI HÊLA JINÊN FEMÎNÎST VE HATIN PÊŞWAZÎKIRIN

	&nbsp;

	Meşvan li ser Pira Ciwanên Şoreşger ku tê gotin ji hêla Denîz Gezmîş û hevalên xwe ve hatiye avakirin, ji hêla Jinên Femînîst ku li herêmê serdana şaredariyên di destê DEM Partiyê de ne dike, hatin pêşwazîkirin. Meşvan û Jinên Femînîst li ser pirê daxuyanî dan û piştre demekê bi hev re meşiyan. Dû re Jinên Femînîst derbasî Colemêrgê bûn û li wir jî daxuyaniyek dan. Meşvanan jî bi hemû coşa xwe meşa xwe tevî germa Geliyê Zapê jî berdewam kirin û gihiştin Gundê Erzinkê ku dê şev lê bimînin. Meşvanan li vir demekê govend gerand û bi peyamên xwe yên bibiryar roja xwe bidawî kirin.

	&nbsp;

	BERNAMEYA SIBÊ

	&nbsp;

	Meşvan dê sibê heta Depînê ku gelek nêzî Colemêrgê ye bimeşin.

	&nbsp;