
Rapor: Li qawîşa ji bo 28 kesan 40 kes tên ragirtin 

2024-07-07 13:20:07


	&nbsp;

	STENBOL - TÎHEK’ê rapora binpêkirinê ya têkildarî Girtîgeha Tîpa L a Maltepeyê û Girtîgeha Tîpa T a Afyonkarahîsarê parve kir. Di raporê de hat gotin ku li qawîşên kapasîteya wan ji bo 28 kesan 40 girtî tên ragirtin.&nbsp;

	&nbsp;

	Saziya Mafên Mirovan û Wekheviyê ya Tirkiyeyê (TÎHEK) rapora xwe ya têkildarî Girtîgeha Tîpa L a Maltepeyê û Girtîgeha Tîpa T a Afyonkarahîsarê parve kir. Di raporê de hat gotin ku kapasîteya Girtîgeha Tîpa L a Maltepeyê hezar û 760 kes e lê 2 hezar û 188 kes tên ragirtin. Hat diyarkirin ku ji ber kapasîteya heyî tê derbaskirin, hinek girtî li erdê radizên û li qawîşên ji bo 28 kesan 40 girtî tên ragirtin. Bi domdarî hat destnîşankirin ku li girtîgehê tenê makîneyeke cilşûştinê heye û destûr tê dayîn ku tenê zarokên neçarî sûc hatine kirin û girtiyên nexweş bi kar bînin. Di raporê de hat gotin ku ji ber îşkence û miameleya xerab a li girtîgehê tê kirin, di nava salekê de 16 caran li Navenda Ragihandinê ya Serokkomariyê (CÎMER) gilî hatine kirin û lê di çarçoveya lêpirsîna îdarî de biryara “hewcehî bi cezadayînê nîne” hatiye dayîn.&nbsp;

	&nbsp;

	BINPÊKIRINÊN LI GIRTÎGEHÊ

	&nbsp;

	Di raporê de binpêkirinên li Girtîgeha Tîpa L a Maltepeyê wiha hatin rêzkirin:&nbsp;

	&nbsp;

	“* Personelên peywirdar di mijarên mafên mirovan, têkiliyên bi şexsan re û qedexeya îşkence û miameleya xerab de nehatine perwerdekirin.&nbsp;

	&nbsp;

	* Li beşa razanê ya qawîşekê kêzik hatine dîtin û di asta tê xwestin de derman nayê reşandin.&nbsp;

	&nbsp;

	* Daşira li odeya xesara raçînkan û pêşîlêgirtina travmayê, ji hêla kamerayan ve tê dîtin û kişandin.&nbsp;

	&nbsp;

	* Li odeya xesara raçînkan û pêşîlêgirtina travmayê lembeya floresan a ku girtî bikare zirarê bide xwe heye.&nbsp;

	&nbsp;

	* Girtî neçar dimînin ku cilên xwe yên şûştî li korîdoran rayêxin û ev yek jî dike ku qawîşên pir zêde qelebalix hewayî negirin.&nbsp;

	&nbsp;

	* Ji bo girtiyên nexweş û astengdar qawîşeke cuda tune ye û li serşok û daşiran pêgirtek tune ye.”&nbsp;

	&nbsp;

	GIRTÎGEHA TÎPA T A AFYONKARAHÎSARÊ

	&nbsp;

	Bi domdarî di raporê de hat gotin ku li Girtîgeha Tîpa T a Afyonkarahîsarê jî heman pinpêkirin tên jiyîn. Hat diyarkirin ku kapasîteya girtîgehê hezar û 212 kes e lê hezar û 334 girtî tên ragirtin. Di berdewamê de hat destnîşankirin ku qawîşên ji bo girtiyên nexweş û astengdar hatine veqetandin guncav nînin, hem daşir hem jî serşok ne li gorî girtiyên nexweş û astengdaran e.&nbsp;

	&nbsp;

	Binpêkirinên li Girtîgeha Tîpa T a Afyonkarahîsarê wiha hatin rêzkirin:&nbsp;

	&nbsp;

	"* Personelên peywirdar di mijarên mafên mirovan, têkiliyên bi şexsan re û qedexeya îşkence û miameleya xerab de nehatine perwerdekirin.&nbsp;

	&nbsp;

	* Li girtîgehê makîneya ziwakirinê ya ku girtiyên jin bi kar bînin tune ye.&nbsp;

	&nbsp;

	* Daşira li odeya xesara raçînkan û pêşîlêgirtina travmayê, ji hêla kamerayan ve tê dîtin û kişandin.

	&nbsp;

	* Li odeyên lêgerînê pêşmalkên ku tenê yek carê bên bikaranîn tune ne û lêgerîn li gorî mewzûatê nayên kirin.&nbsp;

	&nbsp;

	* Girtî demekî dirêj li qawîşa demkî tên sekinandin.”&nbsp;

	&nbsp;