
Li gelek bajarên herêma Serhedê lehî rabûn 

2024-07-08 12:52:45


	&nbsp;

	NAVENDA NÛÇEYAN - Ji ber barana zêde li Wan, Erzirom, Mûş, Agirî û Qersê lehî rabûn. Ji ber lehiyê xesarên madî çêbûn û li Mûşê Nazar Karataş di lehiyê de jiyana xwe ji dest da.&nbsp;

	&nbsp;

	Li bajarên Wan, Erzirom, Mûş, Agirî û Qersê yên herêma Serhedê ji ber barana zêde lehî rabûn. Li gorî daxuyaniya Wezareta Tenduristiyê şiliyê li Mûş, Erzirom, Xarpêt, Agirî, Ordû û Samsûnê bandor kiriye û gelek tîmên rizgarkirinê û 22 ambulans hatine wezîfedarkirin.&nbsp;

	&nbsp;

	Li gelek gundên herêma Serhedê ji ber baranê lehî rabûn û xesarê gihand mal û milkê welatiyan. Ji ber barana zêde li navçeya Ebexê ya Wanê, li navçeya Tekmanê ya Erziromê, li navçeya Milazgirê ya Mûşê, li navçeya Dutaxê ya Agiriyê û li navçeya Qamûşanê ya Qersê lehî rabûn û rê li ber xesar û ziyanan vekir.&nbsp;

	&nbsp;

	Li gundê Baxçe ya bi ser navçeya Milazgara Mûşê ve Nazar Karataş a ciwan û dayika xwe bi lehiyê re çûn. Nazar Karataş di lehiyê de jiyana xwe ji dest da û dayika wê xwe rizgar kir.&nbsp;

	&nbsp;

	Midûriyeta Giştî ya Meteorolojiyê daxuyanî da û ji bo tevdîrên şiliyê banga hişyariyê li Agirî, Çewlig, Erzîngan, Erzirom, Qers, Wan, Mûş, Erdexan, Gîresûn, Ordû, Samsûn, Trabzon û Baybûrtê kir.&nbsp;

	&nbsp;

	&nbsp;