
Baroya Amedê giliyê îdiayên ‘kobayê’ kir

2024-07-09 12:24:24


	AMED - Baroya Amedê bi daxwaza îdiayên ku gelê Amedê weke “kobay” hatiye bikaranîn bên lêkolînkirin gilî kir.&nbsp;

	&nbsp;

	Hate îdia kirin ku di sala 2020’an di dema vîrûsa koronayê de li Nexweşxaneya Perwerde û Lêkolînê ya Gazî Yaşargîlê li ser hinek nexweşan “Rêbaza Tedawiya Tîroşkê ya Tirk (TurkishBeam)” hatiye ceribandin û ji ber vê rêbazê hinek nexweşan jiyana xwe ji dest dane û xelkê Amedê weke “Kobay” hatiye bikaranîn. Baroya Amedê têkildarî îdiayan serî li Serdozgeriya Komarê ya Amedê da û gilî kir.&nbsp;

	&nbsp;

	Baroya Amedê li ser hesaba xwe ya X’yê daxuyaniyek da û wiha got: “Hate îdia kirin ku di sala 2020’an di dema vîrûsa koronayê de li Nexweşxaneya Perwerde û Lêkolînê ya Gazî Yaşargîlê li ser hinek nexweşan rêbazên tedawiyê yên bi awayekî zanîstî nehatiye qebûlkirin hatine ceribandin û bi vê rêbazê mirovan jiyana xwe ji dest dane. Li ser van îdia û naverokên nûçeyan ji bo ku mijar bê lêkolînkirin serî li Serdozgeriya Komarê ya Amedê hatiye dayîn û hatiye gilîkirin. Em ê weke Baroya Amedê îdiayan û pêvajoya hiqûqî bişopînin.”

	&nbsp;

	&nbsp;