
Cenazeyê Arvîn Huseynî piştî 20 rojan hate veşartin   

2024-07-10 12:28:43


	&nbsp;

	ŞIRNEX - Cenazeyê Arvîn Huseynî yê li navçeya Elkê di şer de jiyana xwe ji dest da piştî 20 rojan hate veşartin.&nbsp;

	&nbsp;

	Di operasyona leşkerî ya di 21’ê hezîranê de hate destpêkirin de li bejahiya navçeya Elkê ya Şirnexê di navbera endamên HPG’ê û leşkeran de şer derketibû û endamên HPG’ê Basrî Cîn (Brûsk Kato), Sefer Temel (Rûstem Çekdar Kato), Yilmaz Sala (Kamûran Gever) û Arvîn Huseynî (Dilsoz Gabar) jiyana xwe ji dest dabûn

	&nbsp;

	Cenazeyê endamê HPG’ê Arvîn Huseynî yê rakiribûn morga Nexweşxaneya Dewletê ya Şirnexê piştî 20 rojan li Goristana Bêkesan a Şirnexê hate veşartin. Hate zanîn ku malbata Huseynî ya li herêma Şaho ya Rojhilatê Kurdistanê dimîne ji ber astengiya pasaportê nekariye bê cenazeyê lawê xwe bigire.&nbsp;

	&nbsp;

	Cenazeyê Basrî Cin ku li navçeya Silopiyayê, yê Serhat Temel li gundê Setkar ê navçeya Elkê ya Şirnexê û cenazeyê Yilmaz Sala jî li gundê Hêrmiyê yê navçeya Gever a Colemêrgê di dîrokên cuda de hatibûn veşartin.

	&nbsp;