
Şaredariya Rezanê plana xwe ya ‘Stratejîk’ bi gel re diyar dike

2024-07-11 09:55:57


	&nbsp;

	AMED - Şaredariya Rezanê di çarçoveya amadekariyên “Plana Stratejîk” a 5 salan civîna gel hat lidarxistin.&nbsp;

	&nbsp;

	Hevserokên Şaredariya Navçeya Rezanê ya Amedê Leyla Ayaz û Sîraç Çelîk di çarçoveya amadekariyên “Plana Stratejîk” a 5 salan de li taxa 5 Nîsanê civîna gel hat lidarxistin û li daxwaz û pêşniyazên gel hat guhdarîkirin. Civîna gel an go hevdîtina gel li Parka Meydana 5 Nîsanê pêk hat. Hevşaredar Leyla Ayaz û Sîraç Çelîk, endamên meclisa şaredariyê û midûrên yekîneyan û personel beşdarî civînê bûn.&nbsp;

	&nbsp;

	DAXWAZ HATIN NIVÎSANDIN&nbsp;

	&nbsp;

	Ji hemû yekîneyên şaredariyê personelan mase danîn û daxwazên gel tomar kirin. Şêniyên taxê bi girseyî beşdarî civînê bûn û di civînê de ji bo zarokan şahiya boyaxkirina serûçav û şahiyên cuda hatin lidarxistin. Her wiha şagirtên konservatuara Bag Evî ya girêdayî Midûriyeta Jinan û Malbatan jî stran gotin û bernameya civînê dest pê kir.&nbsp;

	&nbsp;

	Hevşaredar Leyla Ayaz û Sîraç Çelîk axivîn û destnîşan kirin ku ew ê hemû pirsgirêkên gel bi hev re çareser bikin û wê her tim li cem gelê xwe bin û li rewşa wan pirs bikin.&nbsp;

	&nbsp;

	XELKÊ TAXÊ DAXWAZÊN XWE ANÎN ZIMAN&nbsp;

	&nbsp;

	Piştî axaftina hevşaredaran, şêniyên taxê jî axivîn û kêmasiyên li taxê û navçeyê anîn ziman û pêşniyazên xwe kirin.&nbsp;

	&nbsp;

	Welatiyan behsa paqijiya navçeyê, sersazî û binesazî, çûnehat û lokantaya bajêr kirin û xwestin ev kêmasî werin çareserkirin.&nbsp;

	&nbsp;

	CIWANAN JÎ DAXWAZ Û PÊŞNIYAZÊN XWE KIRIN&nbsp;

	&nbsp;

	Her wiha ciwanên tev li civînê bûn jî daxwaz û pêşniyazên xwe yên di warê pirtûkxane û qadên sporê û qaadên civakî û perwerdehiyê anîn ziman.&nbsp;

	&nbsp;

	Xebatkarên şaredariyê daxwaz û pêşniyazên gel yek bi yek nivîsandin û tomar kirin.&nbsp;

	&nbsp;

	Hevşaredaran da zanîn ku ew soz didin gelê xwe wê her cure daxwaz û pêşniyarên wan bicih bînin û ew ê Plana Stratejîk a 5 salan bi gel re çêkin û berdewam bikin.&nbsp;

	&nbsp;