ROJEVA 12’Ê TÎRMEHA 2024’AN

2024-07-12 09:00:05


	 

	* Li cerdevanê ku li Elbakê ji ber destdirêjiyê dihat darizandin, 6 sal û 8 meh cez ahat birîn. Parêzer Jiyan Ozkaplan ku bertek nîşanî vê da, got: "Lêpirsîneke çalak nehat kirin. Fail ji ber ku bi unîforma ye, hat parastin." 

	 

	* Li şaredariya Cizîrê Mîdûriyeta Polîtîkayên Jinê ya ku di dema qeyûm de hatibû girtin, piştî 8 salan hat vekirin. Hevşaredara Cizîrê Guler Yerbasan got: "Projeyên me yên li ser jinan berfireh in û demdirêj in. Mudûriyeta me dê ne tenê bi Cizîrê re sînordar bimîne, dê li navçeyan û li gundan jî jinên ku rastî tundiyê tên tespît bike û xebatên xwe bide bide meşandin." 

	 

	* Meclisa Dayikên Aştiyê ya Silopiyayê bertek nîşanî hevkariya PDK û Tirkiyeyê da û bang li gelê kurd kir ku li dijî xiyanet û êrişan yekitiya xwe ava bike.

	 

	* Cotkarên Şemrexê diyar kirin ku ji ber DEDAŞ ceyranê dibire, berhemên wan ên çandiniyê hişk bûne. 

	 

	* Rêxistinên civaka sivîl dê di çarçoveya kampanyaya “Xurtkirina azadiya lêgerîna maf” de li Eywana Konferansan a Tahir Elçî ya Baroya Amedê bên gel hev. (12.00)

	 

	* Xizmên girtiyan dê bi dirûşma “Tecrîdê bi dawî bikin” li gelek bajaran li pêşiya avahiyên bajar ên AKP’ê çalakiya rûniştinê li dar bixin. (16.30-18.00)

	 

	* Li Mêrsîn û Stenbolê dê li dijî tayînkirina qeyûm a li Şaredariya Colemêrgê nobet were girtin. (19.00-22.00)