
Polîsan bi ser mala Beyoglû yê AKP’î de girtin   

2024-07-12 13:12:24


	NAVENDA NÛÇEYAN - Polîsan bi ser mala qeyûmê Şaredariya Rezanê yê berê Huseyîn Beyoglû ku heta niha 2 caran ji ber nelirêtiyê hatibû binçavkirin û 11 malên girêdayî wî de girtin. Di serdegirtinê de gelek zêr, dovîz û çekên bêrûxset hatin desteserkirin.&nbsp;

	&nbsp;

	Qeyûmê Şaredariya Rezan a Amedê Huseyîn Beyoglû ji ber nelirêtî û bertîla di dema peywirê de kiribû, heta niha du caran hatiye binçavkirin û doza derheqê wî de hêj didome. Polîsan şevê din bi ser mala Beyoglû û cîgirê wî yê berê Siddik Aycil û 10 malên girêdayî wan de girtin. Di dema serdegirtinê de lêgerîn hate kirin û gelek zêr, dovîz û çekên bêrûxset hatin desteserkirin.&nbsp;

	&nbsp;

	Piştî lêgerîna li malan, kesên binçavkirî ji bo îfadeyê birin emniyetê. Hat zanîn ku yek ji kesa hatiye binçavkirin jî hevjîna Beyoglû, Durdane Beyoglû ye ku tê îdiakirin mal û milkê bi rêya nelirêtî û bertîlê hatiye bidestxistin fermî kiriye.&nbsp;

	&nbsp;

	Derket holê ku Durdane Beyoglû dema di Baskê Jinan a AKP’ê de dixebitî, li ser medyaya dijîtal gelek caran parvekirinên ku pesnê Wezîrê Karên Hundir ê berê Suleyman Soylu dide, kiriye.&nbsp;

	&nbsp;