
Girtiyê tê îdiakirin xwe şewitandiye jiyana xwe ji dest da 

2024-07-22 11:08:07


	&nbsp;

	RIHA - Girtiyê edlî Abdurrahîm Yuksel ê li Girtîgeha Hejmar 1 a Tîpa T a Rihayê dihat ragirtin û dihat îdiakirin xwe şewitandiye, jiyana xwe ji dest da.&nbsp;

	&nbsp;

	Girtiyê edlî Abdurrahîm Yuksel ê li Girtîgeha Hejmar 1 a bi Tîpa T a Rihayê dihat ragirtin û tê îdiakirin di 20’ê tîrmehê de xwe şewitandiye, jiyana xwe ji dest da. Yuksel, bi sûcdariya “Hewldana kuştinê û tunekirina delîlan” 11 sal û 3 meh cezayê hefsê li Yuksel hatibû birîn û di 10’ê tîrmeha 2024’an de hate girtin. Li gorî îdiayê; bi hinceta ku Yuksel û gardiyan bi şer çûne, Yuksel xistine hucreya yekkesî û li vir xwe şewitandiye.&nbsp;

	&nbsp;

	Yuksel ê bi giranî birîndar bûyî rakirin beşa şewitînan a li Avahiya Pêvek a Xizmetê ya Nexweşxaneya Perwerde û Lêkolînê ya Mehmet Akîf Înan. Li wir du rojan dihat tedawîkirin. Yuksel îro di danê sibehê de jiyana xwe ji dest da. Cenazeyê Yuksel dê piştî karûbarên otopsiyê bibin Mêrdînê.&nbsp;

	&nbsp;

	Dozgeriya girtîgehê têkildarî bûyerê lêpirsîn da destpêkirin.&nbsp;

	&nbsp;