
Dayikên Aştiyê banga mezinkirina daxwaza aştiyê kirin

2024-08-06 15:15:58


	MÊRDÎN - Dayikên Aştiyê li Qoserê daxuyanî dan û bang li hemû dayikên cîhanê kirin ku daxwaza aştiyê hin bêtir bînin ziman.&nbsp;

	Meclisa Dayikên Aştiyê ya Mêrdînê li navçeya Qoserê têkildarî azadiya Rêberê PKK’ê Abdullah Ocalan, binpêkirinên mafan ên li girtîgehan diqewimin, êrişên Tirkiyeyê yên li ser başûrê Kurdistanê û zextên Îranê yên li ser kurdan daxuyanî dan. Daxuyanî li avahiya MEBYA-DER’ê hat lidarxistin û gelek dayik beşdar bûn. Dayika Aştiyê Felek Tanirgan ewilî axivî.&nbsp;

	&nbsp;

	Tanirgan anî ziman ku ew ê her aştiyê bixwazin û got ew êrişên Tirkiyeyê yên li ser başûr û rojavayê Kurdistanê şermezar dikin. Tanirgan diyar kir ku ew dixwazin demildest şer were bidawîkirin û aştî pêk were û got: “Ji şer re êdî bes e. Dayik ranekevin. Dayik şer naxwazin.”&nbsp;

	&nbsp;

	Tanirgan destnîşan kir ku girtî li girtîgehan bi daxwazaiya azadiya Abdullah Ocalan li ber xwe didin û daxwazên xwe didomînin û xwest rayedar guh bidin daxwazên girtiyan.&nbsp;

	&nbsp;

	‘DIVÊ OCALAN BÊ BERDAN’&nbsp;

	&nbsp;

	Dayika Aştiyê Lamîa Ayaz jî axivî û destnîşan kir ku ew ê dest ji daxwaza azadiya Ocalan bernedin û got divê Ocalan were berdan.&nbsp;

	Ayaz anî ziman ku ew qebûl nakin ku kurd li Îranê ji aliyê rejîmê ve tên bidarvekirin &nbsp;û bang li hikûmeta Îranê kir ku dest ji biryarên xwe yên darvekirinê berde.&nbsp;

	&nbsp;

	Ayaz diyar kir ku bi salane ew wek Dayikên Aştiyê daxwaza aştiyê dikin û di serî de bang li dayikên kurd û li hemû dayikên li cîhanê kir ku ji bo aştiyê rabin ser pêya û daxwaza aştiyê hin bêtir bînin ziman.&nbsp;

	&nbsp;

	&nbsp;