
Li Şîşhaneyê bertek nîşanî polîtîkayên şer dan 

2024-08-09 22:55:34


	STENBOL - Di nobeda li Qada Şîhaneyê ya i dijî qeyûm de, bertek nîşanî polîtîkayên şer ên desthilatê hat dayîn.&nbsp;

	&nbsp;

	Çalakiya nobedê ya Hêzên Ked, Aştî û Demokrasiyê ya li dijî tayinkirina qeyûm a li Şaredariya Colemêrgê, li Qada Şîşhaneyê di roja 57'an de dewam kir. Gelek nûnerên partiyên siyasî, sendika û rêxistinên civaka sivîl beşdarî çalakiyê bûn. Çalakgeran tîşortên ku "bicehim qeyûm" li ser nivîsandî li xwe kirin. Di çalakiyê de dowîzên li ser "Bijî berxwedana Colemêrgê", "Bijî berxwedana zindanan" û "Wê qeyûm hesab bide" nivîsandî hatin hilgirtin.&nbsp;

	&nbsp;

	Di çalakiyê de ewilî nûçegihanê Rojnameya Ozgur Gundemê nivîskar Huseyîn Denîz ê di 9'Ê Tebaxa 1992'yan de li navçeya Serêkaniyê ya Rihayê bi êrişeke çekdarî hat qetilkirin hat bibîranîn.&nbsp;

	&nbsp;

	Hevserokê DEM Partiyê yê Sûltangaziyê Farûk Kaya, diyar kir ku gelê kurd ji bo xwedî li vîna xwe derkeve nobedê digire û got ku heya demokrasî bê wê li qadê bin û bitêkoşin.&nbsp;

	&nbsp;

	Rêveberê DEM Partiyê yÊ Sariyerê Alîcan Akbacak jî diyar kir ku divê meseleya kurd bi rêyên demokratik bê çareserkirin û bal kişand ser polîtîkayên şer ên desthilatê. Akbacak got: "Em ne dixwazin zarokên kurdan ne jî yên tirkan bimirin. Gelê kurd ne xayin û dabeşker e. Ên ku van tiştan ferz dikin dabeşker in."&nbsp;

	&nbsp;

	Çalakiya nobedê bi berzkirian dirûşmeyan û çepikan bi dawî bû.&nbsp;