
Neteweyên Yekbûyî gendeliyên li Herêma Kurdistanê eşkere kir 

2024-08-23 10:14:11


	&nbsp;

	NAVENDA NÛÇEYAN - Neteweyên Yekbûyî di raporek xwe de diyar kir ku gendeliya herî mezin ya li Herêma Kurdistanê, li parêzgeha Hewlêrê pêk tê.

	&nbsp;

	Bernameya Pêşketinê ya Neteweyên Yekbûyî (United Nations Development Programı-UNDP) der barê asta gendeliyê ya li Herêma Kurdistanê de raporek belav kir.

	&nbsp;

	Li gorî raporê, gendeliya li Herêma Kurdistanê ya herî zêde bi rêjeya sedî 43 li Hewlêrê pêk tê. Her wiha di rêza duyem de jî bi rêjeya sedî 33 Silêmanî û di rêza sêyem de bi rêjeya sedî 24 li Dihokê pêkt ê.

	&nbsp;

	Di rapora Neteweyên Yekbûyî de hate gotin ku rêjeya gendeliyê di nav 20 wezaret û desteyên herêmê pêk tê.

	&nbsp;

	Li gorî vê, di reza yekem de herî zêde gendelî di Wezareta Darayî ya Herêma Kurdistanê de pêk tê. Di rêza duyem û sêyem de jî Wezareta Ceyran û Şaredariyê pêk tê.

	&nbsp;

	Di raporê de rêjeya gendeliyê ya li Wezareta Darayî bi rêjeya sedî 25 hate diyarkirin, di Wezareta Ceyranê de sedî 18 û di Wezareta Şaredariyê de jî sedî 17 hate diyarkirin.

	&nbsp;

	&nbsp;