Cenazeyê rojnamevan Hêro Bahadîn hat veşartin 

2024-08-23 20:42:15


	 

	NAVENDA NÛÇEYAN - Cenazeyê rojnamevan Hêro Bahadîn a ku di êrîşa balafirên Tirkiyeyê de li Seyîdsadiq a Silêmaniyê şehîd bû, bi merasîmeke girseyî hat veşartin.

	 

	Tirkiye li navçeya Seyîdsadiq a Silêmaniyê wesayîteke rojnamevanên kurd bi balafira bûmirov hedef girt. Rojnamevan Gulîstan Tara û Hêro Bahadîn ên di wesayîta şîrketa Çatr Production a çapemeniya Başûrê Kurdistanê de bûn, şehîd bûn. Di êrişê de berpirsê Chatr Productionê Rêbîn Bekir jî di nav de 6 kes birîndar bûn.

	 

	Cenazeyê kedkara çapemeniya azad Hêro Bahadîn ku ji Saziya Tipa Edlî ya Silêmaniyê hat wergirtin, bi tevlîbûna malbat, dost û gelek xebatkarên çapemeniya azad li Silêmaniyê hat veşartin.