
Ji bo rojnamevan Gulistan Tara mewlîd hate dayîn

2024-08-30 16:12:10


	ÊLIH - Ji bo rojnamevan Gulistan Tara ya di êrişa SÎHA’yê ya dewleta tirk de hate qetilkirin mewlîd hate dayîn.&nbsp;

	&nbsp;

	Dewleta tirk di 23’yê tebaxê de li navçeya Seyîdsadiq a Silêmaniyê bi SÎHA’yê wesayîta ku rojnamevanên kurd tê de bûn kir û rojnamevan Gulistan Tara û Hêro Bahadîn qetil kirin. Cenazeyê Tarayê li bajarê wê Êlihê bi awayekî girseyî hate veşartin.

	&nbsp;

	Malbata Tarayê ji bo Tara ya li Goristana Tilmerçê hate definkirin, li Taxa Pazaryerî şîn danî. Li eywana ku şîn lê hate danîn wêneyên rojnamevan Hêro Bahadîn û Gulistan Tara yên hatin qetilkirin hatin daliqandin.&nbsp;

	&nbsp;

	Hevserokê Giştî yê Partiya Herêmên Demokratîk (DBP) Keskîn Bayindir, parlamenterên Partiya Wekhevî û Demokrasiyê ya Gelan (DEM Partî) Zeynep Odûncû, Sabahat Erdogan Saritaş û Kamûran Tanhan, hempîşeyên Tara û gelek kesan serdana şînê kirin.&nbsp;

	&nbsp;

	Piştî duayen hatin xwendin ji bo Tarayê mewlîd hate dayîn. Şîn piştî dayîna mewlîdê bi dawî bû. Malbat dê serdanên şînê li mala xwe qebûl bike.&nbsp;