
Erdoganê ku jê re digot ‘kujer’ wî bi merasîma fermî pêşwazî kir!

2024-09-04 16:25:12


	ENQERE - Serokkomarê AKP'yî Tayyîp Erdogan ku ji Serokê Dewletê yê Misrê Sîsî re digot, “Kujer û darbekar” wî bi merasîma fermî pêşwazî kir.&nbsp;

	Serokkomarê AKP’yî Tayyîp Erdogan ku Serokê Dewletê yê Misrê Abdulfettah es-Sîsî wek “kujer, darbekar û zalim” pênase dikir, îro li Balafirgeha Enqereyê wî bi merasîma fermî pêşwazî kir.

	&nbsp;

	Erdogan û Sîsî kêliyek li Salona Şerefê ya Balafirgeha Esenbogayê hevdîtin kirin û paşê bi wesayîta meqamê ya Erdogan derbasî Qesra Serokkomariyê ya li Beştepeyê bûn. Li ber qesrê ji bo Sîsî merasîma pêşwazîkirinê ya fermî hat lidarxistin.&nbsp;

	&nbsp;

	Erdogan û Sîsî paşê derbasî hundirê qesrê bûn û wê li ser hevkariya stratejik civîn li dar bixin. Dê Sîsî û Erdogan piştî civînê civîna çapemeniyê li dar bixin û êvarê jî li qesrê şîvê bixwin.&nbsp;

	&nbsp;

	&nbsp;ERDOGAN JI SÎSÎ RE GOTIBÛ ‘DARBEKAR Û KUJER’&nbsp;

	&nbsp;

	Erdogan ji sala 2011’an vir ve li dijî Sîsî yê ku Muhammed Mursî û tevgera wî têk bir, gotinên giran dikir û digot ew ê tu carî bi Sîsî re hevdîtinê neke. Erdogan di axaftinên xwe yên berê de gelek caran gotinên wek, “darbekar, nedemokrat, zilmkar, kujer” ji Sîsî re digot.&nbsp;

	&nbsp;

	Beriya ku Sîsî bê Tirkiyeyê, Erdogan si 14’ê Sibata 2024’an de li paytexta Misrê Qahîreyê serdana Sîsî kiribû.&nbsp;

	&nbsp;

	&nbsp;