
Li Stenbol û Îzmîrê gelek kes hatin binçavkirin

2024-09-10 09:58:55


	&nbsp;

	NAVENDA NÛÇEYAN - Li Îzmîr û Stenbolê di encama serdegirtina malan de gelek kes hatin binçavkirin.&nbsp;

	&nbsp;

	Li Stenbolê polîsan di saetên serê sibê de bi ser gelek malan de girt. Di çarçoveya lêpirsîneke navenda wê Îzmîrê de endama Federasyona Komeleyên Ciwanên Sosyalîst (SGDF) Ozge Dogan û Yaren Tûncer hatin binçavkirin. Hate diyarkirin ku her du jinên ciwan ên sedema wan a binçavkirinê nehate zanîn birin Midûriyeta Polîsan a Stenbolê.&nbsp;

	Di çarçoveya heman lêpirsînê de Meryem Yildirim jî li Îzmîrê hate binçavkirin.&nbsp;

	&nbsp;

	Li aliyê din hate zanîn ku di serdegirtinên navenda wan Stenbolê de jî li navçeya Arnavûtkoyê Mazlûm Korkmaz ê 10 salan di girtîgehê de hatibû ragirtin û nû hatiye berdan jî di nav de Yûnûs Eslan, Emrah Ekmekçî, Erkan Ozmen hatine binçavkirin. Hate diyarkirin ku ciwan li Rêxistina Partiya Wekhevî û Demokrasiyê ya Gela (DEM Partî) xebat meşandine.&nbsp;

	&nbsp;

	Di serdegirtina malan ên navçeyên Stenbolê yên cuda de jî Firat Guner, Lutfu Kaya û Azîz Degîrmencî hatin binçavkirin.&nbsp;

	&nbsp;

	Kesên hatine binçavkirin birin Midûriyeta Polîsan a Stenbolê û hate diyarkirin ku hevdîtina parêzeran a bi wan re hatiye sînorkirin.&nbsp;

	&nbsp;

	SGDF’Ê DAXUYANÎ DA&nbsp;

	&nbsp;

	SGDF’ê têkildarî binçavkirinan li ser hesaba xwe ya dîjîtal medyayê ya X’yê daxuyanî da û wiha got: “Di çarçoveya operasyonên siyasî yên navenda wan Îzmîr û vê sibê hatin kirin de hevseroka me ya beriya niha Yaren Tûncer û hevrêyên me Ozge Dogan û Meryem Yildirim hatin binçavkirin. Em ê li dijî êrişên faşîzmê berxwedana xwe bidomînin û bi hêza ciwanan têkoşîna xwe ya sosyalîzmê bigihînin serkeftinê. Zext û binçavkirinan nekarî me têk bibin wê nekaribe jî. Bila kesên hatine binçavkirin bên berdan.”

	&nbsp;