
Li Stenbolê dê Mîhrîcana Borega Kurdan were lidarxistin

2024-09-10 10:41:36


	&nbsp;

	STENBOL - Li Stenbolê 7’emîn Mîhrîcana Borega Kurdan dê di pêşengtiya KAYY-DER’ê de 15’ê îlonê were lidarxistin.

	&nbsp;

	Di pêşengtiya Komelaya Piştevaniya Civakî, Pêşxistin û Çandê ya navçeyên Gêxî, Dep, Azarpêrt û Çêrmeyê (KAYY-DER) dê 7’emîn Mîhrîcana Borega Kurdan were lidarxistin. Mîhrîcan dê di 15’ê îlonê roja yekşemê li Mîmoza Parka navçeya Beykozê de were lidarxistin.&nbsp;

	&nbsp;

	Di çarçoveya mîhrîcanê de dê Koma Zarokên KAYY-DER’ê, Erhan Emektar, Sîdeng Erbane, Koma Jinên KAYY-DER’ê derkevin ser dikê û dê dîwana dengbêjan were lidarxistin.

	&nbsp;

	Di mîhrîcanê de dê di çarçoveya bernameya “Şova Boregê” de çêkirina Borega Kurdan were nîşandan. Di mîhrîcanê de herî dawî dê Koma Dîlan a Govendê govendê bigerîne.&nbsp;

	&nbsp;