
Doza ‘govendê’ ya li Dêrsimê hate taloqkirin

2024-09-11 13:37:23


	&nbsp;

	DÊRSIM - Danişîna doza 15 kesên ku bi hinceta li gel stranên kurdî li Dêrsimê govend gerandine tên darizandin hate taloqkirin.&nbsp;

	&nbsp;

	Derbarê 15 kesan de bi hinceta di dema pêşhilbijartinên ji bo diyarkirina namzetên hevşaredariyê yên Partiya Wekhevî û Demokrasiyê ya Gelan (DEM Partî) ên Dêrsimê de ligel stranên kurdî govend gerandine bi îdiaya “propagandaya rêxistinê” doz hatibû vekirin. Danişîna dozê li 1’emîn Dadgeha Cezayê Giran a Dêrsimê hate lidarxistin. Hevseroka DEM Partiyê ya Dêrsimê Esma Ataş, endama Meclisa DEM Partiyê Beybûn Aslan, Jiyan Aslan, nûçegihana Ajansa Nûçeya a Pîr (PÎRHA) Nûray Atmaca, Cemîle Ataş, Besîme Gok, Nazli Çelîk Oz, Bariş Goktepe, Ozer Laçîn, Sevîm Saglam, Leyla Aslan, D.B. , Y.O., N.Y. tev li danişînê bûn. M.K. ya tê darizandin hincet nîşan da û tev li danişînê nebû.&nbsp;

	&nbsp;

	Kesên tên darizandin li dijî sûcdariyan parastina xwe kirin, bi bîr xistin ku gerandina govendê ne sûc e û daxwaza beraeta xwe kirin. Parêzeran jî diyar kirin ku piştî analîza dîmenan dê parastina xwe bikin.&nbsp;

	&nbsp;

	Şandeya dadgehê ya daxwaza parêzeran qebûl kir, danişîn taloqî 4’ê kanûnê kir.&nbsp;

	&nbsp;