
Nobeta Edaletê di roja 21’an de ye: Pêbawerî bi hiqûqê pêk tê  

2024-09-11 15:40:13


	ENQERE - Parlamentera DEM Partiyê Meral Daniş Beştaş serdana Emîne Şenyaşar kir û got: “Nepêbaweriya herî mezin bêedaletî ye. Pêbawerî bi edaletê û hiqûqê pêk tê.”&nbsp;

	Çalakiya Nobeta Edaletê ya Emîne Şenyaşar ku li ber Meclisê daye destpêkirin di roja 21’emîn de berdewam kir.&nbsp;

	&nbsp;

	Emîne Şenyaşar behsa pêvajoya qetlîamê û qewimandinên piştî qetlîamê kir û carek din daxwaza xwe ya edaletê dubare kir û banga berdana lawê xwe Fadil Şenyaşar ê girtî kir.&nbsp;

	&nbsp;

	Parlamenterên DEM Partiyê Meral Daniş Beştaş û Dîlan Ayan Kunt serdana Emîne Şenyaşar kirin.&nbsp;

	&nbsp;

	‘MECLIS ÇI KARÎ DIKE?’&nbsp;

	&nbsp;

	Beştaş da zanîn ku Meclis bi awayek zanebûn xwe li ber daxwaza malbata Şenyaşar bêdeng dike û bertek nîşanî Serokê Meclisê û Erdogan da ku guh nadin daxwaza Emîne Şenyaşar. Beştaş bal kişand ser berxwedana Malbata Şenyaşar ku bi salane didome û got: “Berxwedanek gelek watedar e. Heke Meclis nebe muxatabê vê yekê gelo wê bibe muxatabê çi? Meclis çi karî dike?”

	&nbsp;

	BERTEK NÎŞANÎ KURTULMUŞ DA&nbsp;

	&nbsp;

	Beştaş daxuyaniya Serokê Meclisê Nûman Kurtulmuş, “Wê pêbaweriya Meclisê were şikandin” bi bîr xist û got: “Nepêbaweriya herî mezin bêedaletî ye. Nepêbaweriya herî mezin zilm e. Nepêbaweriya herî mezin ew e ku darazê kirine amûrên xwe. Nepêbaweriya herî mezin necezakirina kujeran e. Pêbawerî bi edaletê û hiqûqê pêk tê.”

	&nbsp;