
Kongreya PYD’ê di roja 2’yemîn de didome

2024-09-22 12:27:00


	&nbsp;

	NAVENDA NÛÇEYAN - 10’emîn kongreya PYD’ê di roja 2’yemîn de ji çapemeniyê re girtî didome.&nbsp;

	&nbsp;

	Partiya Yekitiya Demokratîk (PYD) li Hesekê 10’emîn kongreya xwe li dar dixe. Kongre, di roja 2’yemîn de didome. Kongre, bi beşdariya zêdetirî 700 delegeyan tê lidarxistin û ji çapemeniyê re girtî didome. Kongre, di salvegera 21’emîn a partiyê de bi dirûşma “Bi hev re ji bo pêkanîna azadiya fîzîkî ya Rêber Apo, çespandina Rêveberiya Xweser û avakirina Sûriyeke demokratîk” tê lidarxistin.&nbsp;

	&nbsp;

	Li gorî agahiyên endamên PYD’ê; di roja duyemîn a kongreyê de raporên Meclisa Giştî, Meclisa Jinan û Komîteya Disiplînê hatin xwendin. Piştre jî rewşa Rêberê PKK’ê Abdullah Ocalan hate nirxandin. Her wiha rewşa rêxistinî ya partiyê hate nirxandin. Tê payin ku di rêziknameyê de guhertin bên kirin.&nbsp;

	&nbsp;

	Kongre, dê bi hilbijartinên Meclisa Giştî û hevserokan bi dawî bibe.&nbsp;

	&nbsp;