
Rapora Raportorê Tirkiyeyê Schennach: Divê biryarên AÎHM’ê werin sepandin

2024-10-03 10:41:54


	NAVENDA NÛÇEYAN - Ji Raportorên MPKE’yê yê Tirkiyeyê Stefan Schennach di rapora xwe ya çêvdêriyê de bal kişand ser tecrîda li Îmraliyê û xwest biryarên AÎHM’ê werin sepandin.&nbsp;

	Ji raportorên Meclisa Parlamenteran a Konseya Ewropayê (MPKE) ê Tirkiyeyê Stefan Schennach rapora xwe ya serdana di navbera 11 û 14’ê hezîranê li Tirkiyeyê kiribû, eşkere kir. Schennach û Jill Mortimer ên raporê amade kirine bal kişandin ser şert û mercên tecrîda ser Rêberê PKK’ê Abdullah Ocalan.

	&nbsp;

	BALKIŞANDINA TECRÎDÊ

	&nbsp;

	Schennach derbarê tecrîdê de xwest demildest biryarên Dadgeha Mafê Mirovan a Ewropayê (DMME) dane werin sepandin, beyî paşxistin banga girtina tevdîran kir.&nbsp;

	&nbsp;

	Di raporê de ev tişt hatin gotin: “Derbarê kêm agahdarina rewşa birêz Abdullah Ocalan de, ez hatim agahdarkirin. Ji adara 2020’an heya niha tu xizmên wî nekarîne serdana wî bikin û herî dawî birayê wî di adara 2021’an de bi telefonê pê re axiviye. Ji tabaxa 2019’an ber bi îro ve tu parêzerên wî pê re hevdîtinê pêk neanîne.”

	&nbsp;

	RAROÊN CPT’YÊ YÊN NEHATINE EŞKEREKIRIN

	&nbsp;

	Di raporê de hat gotin ku ji ber rayedarên tirk destûr nedane, Komîteya Pêşîlêgirtina Îşkenceyê ya Ewropayê (CPT) 5 raporên xwe eşkere nekirine.&nbsp;

	&nbsp;

	GIRTÎGEH&nbsp;

	&nbsp;

	Di rapora derbarê rewşa girtîgehên Tirkiyeyê de jî hin agahî hatin parvekirin. Di raporê de hat gotin ku di girtîgehan de gelek girtî tên ragirtin, dema girtinê gelek dirêj e û bal kişan ser metirsiyên têkildarî van sepanan. Di raporê de derbarê Hevserokê Partiya Demokratîk a Gelan (HDP) ê berê Selahattîn Demîrtaş û Osman Kavala ê ji doza Geziyê tê ragirtin, nirxandinên berfireh hatin kirin. Herwiha derbarê girtiyên nexweş ên giran de jî metirsî hatin rêzkirin.&nbsp;

	&nbsp;

	ÎŞKENCE

	&nbsp;

	Hat destnîşankirin ku tevî gotina rayedaran a “Jî îşkenceyê re tolerans tune ye” di salên dawî de, di bin çavdêriya polîsan de û li girtîgehan îşkence û sepanên muamileya xirab gelek zêde bûne, di girtîgehên tîpa F de jî mirin çêdibin.

	&nbsp;

	‘DIVÊ TIRKIYE BIRYARÊN DMME’YÊ BISEPÎNE'

	&nbsp;

	Di raporê de biryarên DMME’yê yên ji aliyên Tirkiyeyê ve nayên bicihanîn jî hatin nirxandin û hate destnîşankirin ku ev biryar têkildarî binpêkirinên azadiya xweîfadekirin û ragihandinê, binpêkirinên azadiya kombûn û birêxistinbûnê, binpêkirinên azadiya hizirîn, wijdan û baweriyê, &nbsp;xebitîna edaletê, bêbandorbûna lêpirsînên têkildarî çalakiyên hêzên ewlekariyê, bêcezabûn û tundiya navmalbatî ne.

	&nbsp;

	QEYÛM

	&nbsp;

	Raportor têkildarî polîtîkayên desteserkirina yên şaredariyên HDP û DEM Partîyê jî nirxandinên xwe kirin û diyar kir ku di hemû hevdîtinên li gel rayedaran de ev mijar jî anîye ziman.

	&nbsp;