
Mihrîcana Çand û Hunerê ya Jinan bi konserê bi dawî bû 

2024-10-17 13:28:54


	MÊRDÎN - Mihrîcana Çand û Hunerê ya Jinan a Şaredariya Şemrexê bi konsereke bicoş bi dawî bû.&nbsp;

	&nbsp;

	Mîhrîcana Çand û Hunerê ya Jinan a bi hevkariya Şaredariya Şemrexê ya Mêrdînê ku di destê DEM Partiyê de ye û Organîzasyona Sanatçayê ve di 15-16’ê cotmehê de hat lidarxistin, bi dawî bû.

	&nbsp;&nbsp;

	Parlamentera DEM Partiyê Bêrîtan Guneş Altin, Hevşaredara Bajarê Mezin a Mêrdînê Devrîm Demîr, hevşaredarên gelek navçeyan û gelek kes tev li fînala mihrîcanê bûn. Qada mihrîcanê bi beşdariya sedan kesan tije bû. Di fînala mihrîcanê de defîleya cil û bergên kurdî hat lidarxistin û rastî eleqeyeke zêde hat.&nbsp;

	&nbsp;

	BAL KIŞANDIN SER KOMKUJIYÊN JINAN

	&nbsp;

	Hevşaredar Demîr piştî defîleyê axivî û got: “Her çend ev cînayet bi destê kesekî yan jî çend kesan bên kirin jî, faîlê sereke pergal e. Heta ku hemû qadên jiyanê biewle dibin em ê têkoşîna xwe mezin bikin.”&nbsp;

	&nbsp;

	Parlamenter Guneş jî bal kişand ser polîtîkayên pişaftinê û ev tişt anî ziman: “Êrişên li dijî ziman û çanda kurdî zêde dibin. Qedexe hêj didomin. Lewma jî divê em ji her demê bêhtir xwedî li ziman, çand û hunera xwe derkevin.”&nbsp;

	&nbsp;

	Piştî axaftinan, hunermend Ayfer Duzdaş û Sorjiyan derketin ser dikê û mihrîcan bi konsereke bicoş bi dawî bû.&nbsp;

	&nbsp;