
Êrişên li dijî kolberan didomin 

2024-10-19 12:05:21


	&nbsp;

	NAVENDA NÛÇEYAN - Li rojhilatê Kurdistanê di êrişa hêzên rejîma Îranê de kolberek birîndar bû.&nbsp;

	&nbsp;

	Êrişên hêzên rejîma Îranê yên li dijî kolberan didomin. Ji bajarê Seqîzê welatiyekî kurd ê bi navê Rizgar Hesen birîndar bû. Hate diyarkirin ku Rizgar Hesenê ku birîna wî girane rakirine nexweşxaneya Şîfa ya li bajarê Seqîzê û li beşa lênerîna awarte tê dermankirin.

	&nbsp;

	Hêjayî gotinêye ku birayekî Rizgar Hesen jî di êvara 16’ê kanûna 2023’yan de di encama êrişa hêzên rejîma Îranê de li sînorê Bane bi giranî birîndar bibû.

	&nbsp;

	Li gorî bîlançoya ku ajansa Kolbernewsê belavkirî, di 6 mehên destpêkê yên îsal de 142 kolber li deverên sînor û rêyên navbera parêzgehên Azerbeycana rojava, Sine û Kirmanşanê de ji ber gulebarana rast e rast a hêzên rejîma Îranê, serma, teqîna mayînan û ketina ji çiya, jiyana xwe ji dest dane û birîndar bûne. Ji vê hejmarê 10 jê zarokên di bin temenê 18 salî de ne.

	&nbsp;

	&nbsp;