
Roja ku biryara tehliyeya wî hat dayîn jiyana xwe ji dest da  

2024-10-19 17:04:40


	&nbsp;

	COLEMÊRG - Girtî Serhat Temîzer roja ku der barê wî de biryara berdanê hat dayîn li girtîgehê bi awayek guman jiyana xwe ji dest da.&nbsp;

	&nbsp;

	Serhat Temîzer di 6’ê mijdara 2017’an de hat binçavkirin û piştre hat girtin. Di 7’ê mijdara 2019’an de hat tehliyekirin. Temîzer 6’ê adara 2021’an dîsa hat girtin.&nbsp;

	&nbsp;

	BIRYARA CEZA Û TEHLIYEYÊ&nbsp;

	&nbsp;

	Temîzer ê bi îdiaya “xerakirina yekitî û tevpariya dewletê” hat girtin duh danişîna wî ya biryarê hat lidarxistin. Temîzer ê 22 salî ku nexweşiya epîlepsî lê peyda bûye hat birîn, duh ji bo danişînê ji Girtîgeha Jimara 2’yan a Dumlu ya Erziromê anîn Colemêrgê. Li 1’emîn Dadgeha Cezayê Giran a Colemêrgê di çarçoveya “zarokên xistine nav sûc” bi îdiaya “endamtiya rêxistinê” 4 sal û 3 meh cezayê hepsê lê hat birîn. Der barê Temîzer de bi hinceta “demek dirêj di girtîgehê de maye” biryara tehliyeya wî hat dayîn.&nbsp;

	&nbsp;

	ÎDIAYA KU REWŞA WÎ GIRAN BÛYE&nbsp;

	&nbsp;

	Temîzer ji bo karûbarên tehliyeyê carek ji bo bibin Erziromê derxistin rê. Bi hinceta ku bûye şev, Temîzer li Girtîgeha Tîpa T a Wanê ragirtin. Lê belê hat îdiakirin ku Temîzer demek şûn ve rewşa wî giran bûye û wî rakirine nexweşxaneyê. Piştî demek kin ji malbatê re hat ragihandin ku Temîzer jiyana xwe ji dest daye.&nbsp;

	&nbsp;

	Cenazeyê Teemîzer ji bo karûbarên otopsiyê rakirin Saziya Tiba Edlî (ATK) a Wanê. Hat zanîn ku cenazeyê Temîzer wê piştî otopsiye li Colemêrgê bê veşartin.&nbsp;

	&nbsp;

	&nbsp;