Cegerxwîn bi helbestên xwe hate bibîranîn

2024-10-20 18:12:55


	 

	ÊLIH - Nivîskarê kurd Cegerxwîn bi xwendina helbestên wî hate bibîranîn. 

	 

	Komeleya Çand û Lêkolînên Ziman a Arî (ARÎ-DER) ji bo nivîskar û helbestkarê kurd Cegerxwîn li Parka Yilmaz Guney bernameyeke bîranînê li dar xist. Hevşaredarê Êlihê Yeşîl Işik, TJA, Meclisa Dayikên Aştiyê, nivîskarên ji bo Fûara Pirtûkên Kurdî hatine bajêr, rêxistinên DBP’ê û DEM Partiyê yên Bajêr û gelek kes beşdarî bîranînê bûn.  

	 

	HELBESTÊN WÎ HATIN ECIBANDIN  

	 

	Bernameya bîranînê bi xwendina jiyana Cegerxwîn dest pê kir. Pişt re ji aliyê nivîskar Berken Bereh, Roza Metîna û xwendekarên ARÎ-DER’ê ve helbestên Cegerxwîn hatin xwendin. Piştî xwendina helbestan a ji aliyê beşdarvanan ve hate ecibandin Hevşaredarê Êlihê Yeşîl Işik axivî.  

	 

	‘EM BI MINET BI BÎR TÎNIN’  

	 

	Işik, diyar kir ku Cegerxwîn ji çand, ziman û hunera kurd re pêşengtî kiriye û got: “Em Seydayê Cegerxwîn di 40’emîn salvegera mirina wî de ji dil û can bi bîr tînin. Em ji bo van berhemên ku ji bo vê nivîsandine, ji bo ked daye vê axê, ji bo keda daye nivîskarên li ser vê axê dijîn em wî bi minetdarî bi bîr tînin. Pêşiya kesên ji bo vê axê kedê didin ji aliyê hêzên dewletê ve hate girtin, hatin girtin û sirgunkirin. Berhemên wan hatin qedexekirin, ji holê hatin rakirin. Tenê ji bo li dijî pergalê nivîsandin gelek caran bi qedexeyan re rû bi rû man. Em pêşberî keda wan bi rêzdarî bejna xwe ditewînin.”