
Pêş rapora otopsiya Temîzer eşkere bû

2024-10-21 12:04:18


	&nbsp;

	
		WAN - Pêş rapora otopsiya Serhat Temîzer ê ku roja der barê wî de biryara tehliyeyê hat dayîn û jiyana xwe ji dest da diyar bû. Di raporê de hat diyarkirin ku wê sedema teqez a mirinê di encama lêkolînan de were eşkerekirin.&nbsp;
	
		&nbsp;
	
		Girtî Serhat Temîzer ê ku roja der barê wî de biryara tehliyeyê hat dayîn û piştre ku birin Girtîgeha Tîpa F’yê ya Wanê jiyana xwe ji dest da. Pêş rapora otopsiya Temîzer diyar bû. Rapora ji aliyê Saziya Tiba Edlî (ATK) a Wanê ve hat amadekirin, hat gotin ku Temîzer dermanên nexweşiya epîlepsiyê wergirtiye. Her wiha hat diyarkirin ku tîma lêkolîna cihê bûyerê saet li 09.00’an çûye cihê bûyerê û cenaze jî saet li 09.40’an gihîştiye ATK’ê.&nbsp;
	
		&nbsp;
	
		DESTÎ WÎ BI ŞIKLÊ KULMÊ LI HEWA MAYE&nbsp;
	
		&nbsp;
	
		Di raporê de wiha hat gotin: “Destê rastê yê cenaze bi şiklê kulmê li hewa bûye, destê çepê li ser sînga wî bûye. Li ser laşê wî lekeyên bi renge mor hatiye dîtin.”&nbsp;
	
		&nbsp;
	
		WÊ LI BENDA ENCAMA LÊKOLÎNÊ BÊ SEKINANDIN&nbsp;
	
		&nbsp;
	
		Şandeya pispor jî têkildarî sedema mirina Temîzer nêrîna xwe anî ziman û diyar kiriye ku wê sedema teqez a mirinê di encama lêkolînên toksîkolojîk û hîstopatolojîk de were eşkerekirin.&nbsp;
	
		Hat destnîşankirin ku nimûneyên ji cenaze hatine wergirtin biryar hatiye dayîn ku ji bo Serokatiya Grûba ATK’ê ya Wanê, Serokatiya Grûba ATK’ê ya Erziromê û Serokatiya Grûba ATK’ê ya Trabzonê bên şandin.&nbsp;
	
		&nbsp;
	
		&nbsp;
	
		&nbsp;
	
		&nbsp;


	&nbsp;