
Amedî ji bo çareserî û aştiyê çi dibêjin?

2024-10-23 10:37:32


	&nbsp;

	AMED - Amediyên ku gotinên Devlet Bahçelî û Ozgur Ozel nirxandin, destnîşan kirin ku çarserî û aştî bi avêtina gavên şênber pêkan e.&nbsp;

	&nbsp;

	Serokê Giştî yê MHP’ê Devlet Bahçelî di axaftina xwe ya duh li Meclisê kir, tecrîda li ser Rêberê PKK’ê Abdullah Ocalan ê li Girtîgeha Ewlehiya Bilind a Tîpa F a Îmraliyê tê ragirtin û 43 meh in agahî jê nayê wergirtin qebûl kir. Bahçelî li Meclisê wiha got: “Heke tecrîd rabe bila were li Meclisê di Koma DEM Partiyê de biaxive. Bila bibêje ku teror bitemamî xelas bûye û rêxistin hatiye fesixkirin. Heke vê vînê nîşan bide bila heta dawiyê pêşî li sererastkirina qanûnan a têkildarî bikaranîna mafê bê vekirin. Bila navnîşan ji Îmraliyê bigihe DEM’ê.”

	&nbsp;

	Serokê Giştî yê CHP’ê Ozgur Ozel jî diyar kir ku divê li ser maseyeke ku hemû partiyên siyasî lê heyî pirsgirêka kurd were axaftin û wiha hate gotin: “Em kurdan bikin xwediyê Komara Tirkiyeyê. Em weke partiya damezrîner li vir in, em teklîf dikin ku her tiştî bi hev re bikin.”

	&nbsp;

	Nîqaşên di siyasetê de berdewam dikin, têkildarî tiştên diqewimin, me mîkrofon dirêjî welatiyên li Amedê kirin. Welatiyên ku daxuyaniyên Tifaqa Cûmhûr û CHP’ê nirxandin, destnîşan kirin ku ku çarserî û aştî bi avêtina gavên şênber pêkan e.&nbsp;

	&nbsp;

	Hin welatiyan diyar kirin ku bi gotinên Bahçelî yên dawî mat mayî mane. Gelemperiyê welatiyan xwestin ku operasyon û tecrîda li ser Îmraliyê bê bidawîkirin û gavên şênber bên avêtin.&nbsp;

	&nbsp;