
Di doza Narîn Guranê de biryara domandina rewşa girtî hate dayin 

2024-11-10 08:57:20


	AMED - Di danişîna doza qetilkirina Narîn Guranê de ji bo bersûcên girtî biryara domandina rewşa girtî hate dayin.&nbsp;

	Zaroka 8 salî Narîn Guran di 21’ê tebaxê de li gundê Çulî yê navçeya Rezan a Amedê hatibû qetilkirin. Danişîna ewil a doza qetilkirina Guran li 8’emîn Dadgeha Cezayên Giran a Amedê hate lidarxistin. Danişîn 3 rojan berdewam k ir û li bersûcan û şahidan hate guhdarîkirin.&nbsp;

	&nbsp;

	Di lêpirsînê de bersûc û şahidan îfadeyên hevnegirtî dan. Bersûc û hinek şahidan gotin ku di dema binçavkirinê de rastî muameleya xerab hatine. Gelek pirsên têkildarî mirina Narînê nehatin besivandin. Di îfadeyan de piranî peyvên “Nizanim” û “Nayê bîra min” derketin pêş. Malbata Guran û xizmên wan Nevzat Bahtiyar sûcdar kirin. Bahtiyar jî malbata Guranê sûcdar kir. &nbsp;

	&nbsp;

	Di danişînê de dozger daxwaza domandina rewşa girtî ya dayik Yuksel Guran, kek Enes Guran, apê wê Salîm Guran û cîranê wan Nevzat Bahtiyar kir.&nbsp;

	&nbsp;

	Dadgehê piştî parastinan biryara xwe ya navberê da. Dadgehê biryar da ku daxwaza tevlibûnê ya Arîf Guran û wekîlê wî qebûl dikin, tevlibûna Baroya Amedê qebûl dike, wekîl li UYAP’ê bên zêdekirin, Wezareta Polîtîkayên Malbat û Civakî tev li bibe. Her wiha daxwaza ku Baran Guran weke gilîker tev li bibe jî red kir. &nbsp;Dadgehê biryar da ku rewşa girtî ya her 4 bersûcan bidome. Danişîna dozê taloqî 26’ê kanûnê hate kirin.&nbsp;

	&nbsp;