
Dozgeriyê ji bo talankirina daristanên Şirnexê got 'li gorî hiqûqê ye'  

2024-11-20 10:13:42


	ŞIRNEX - Serdozgeriya Komarê ya Şirnexê serlêdana Baroya Şirnexê ya li dijî birîna daran a hêj li herêma Çemanê didome, lêkolîn kir. Serdozgeriyê, ji bo birîna îdiaya “Li gorî hiqûqê ye” kir û biryar da ku hewcehî bi lêpirsînê nîne.&nbsp;

	Birîn û talankirina daran a li Herêma Bestayê ya Şirnexê û çiyayên Cûdî û Gabarê ku 4 sal berê hatibû destpêkirin didome. Heman talan niha li herêma Qeşûra ya navçeya Qilebanê û Geliyê Bêtkarê yê gundê Elemûnê yê Elkê belav bûye.&nbsp;

	&nbsp;

	Komîsyona Hawirdorê ya Baroya Şirnexê ji ber birîna daran, di 12’ê tîrmehê de li Serdozgeriya Komarê ya Elkê giliyê Midûriyeta Daristanan a Şirnexê kir.&nbsp;

	&nbsp;

	DAXWAZA LÊPIRSÎNÊ&nbsp;

	&nbsp;

	Baroyê di serlêdana xwe de xwest ku derheqê bepirsyarên vê talanê de lêpirsîn were destpêkirin û wiha got: “Me tespît kir ku di nava mehên sibat-îlonê de anku di 7 mehan de ji sedî 8’ê daristanên bajarê Şirnexê hatine birîn. Em dixwazin derheqê berpirsyaran de tiştên pêwîst bên kirin.”&nbsp;

	&nbsp;

	QAŞO DAR LI GORÎ HIQUQÊ TÊN BIRÎN!&nbsp;

	&nbsp;

	Li ser daxwaza Serdozgeriyê, Midûriyeta Daristanan a Bajar têkildarî mijarê daxwaznameyek nivîsand. Midûriyetê îdia kir ku li cihê behsa xeberê dar nayên birîn û xebatên birîna daran jî li gorî mewzûatê tên kirin. Her wiha midûriyetê îdia kir ku di navbera salên 2021 û 2024’ê de daristanên Şirnexê kêm nebûne û “kar û barê birîna daran li gorî hiqûqê tê kirin.”&nbsp;

	&nbsp;

	DOZGERIYÊ MIDÛRIYET MAFDAR DÎT&nbsp;

	&nbsp;

	Dozgeriyê jî daxwaznameya midûriyetê esas girt û îdiaya “Dar li gorî hiqûqê hatine birîn” kir. Dozgeriyê, biryara “Hewce nake derheqê îdiayên Baroya Şirnexê û saziyên cemaweriyê yên navê wan tê gotin de lêpirsîn were destpêkirin.”&nbsp;

	&nbsp;

	Baro dê li dijî biryara hatiye dayin îtîrazê bike.&nbsp;

	&nbsp;

	MA / Zeynep Durgut

	&nbsp;