
TEV-DEM’ê banga ‘Em li rex hêzên HSD’ê cih bigirin’ kir 

2024-12-09 14:28:26


	NAVENDA NÛÇEYAN - TEV-DEM’ê bang li hemû gelan û rêxistinan kir ku li dijî êrişan bibin yek û piştevaniyê xurt bikin û bi ruhê şoreşa “Jin, Jiyan, Azadî” li rex berxwedana hêzên HSD’ê cih bigirin.&nbsp;

	Rêveberiya TEV-DEM’ê der barê hilweşandina rejîma Baasê û êrişên dewleta Tirk ên li ser Bakur û Rojhilatê Sûriyeyê daxuyaniyeke nivîskî weşand. Di daxuyaniyê de hat bibîrxistin ku gelên Suriyeyê ji destê rejîma Baas gelek êş kişandine, lewma hilweşîna rejîmê gelekî girîng e û gelên Sûriyeyê pîroz kir.

	&nbsp;

	Bi domdarî hat gotin ku berxwedana 12’yê Adara 2004’an a li bajarê Qamişloyê li dijî komkujiya rejîma Baasê hatiye nîşandan, dîwarê tirsê hilweşandiye, hêviya azadiyê li nava gelên Sûriyeyê belav kiriye û bingeha hilweşandina rejîmê ava kiriye, lewma Kurd ji her kesî zêdetir wateya azadiyê û ketina rejîma Baas dizanin.

	&nbsp;

	Di berdewamê de TEV-DEM’ê daxuyand ku bi qasî hilweşandina rejîma şoven, rengê sîstema ku dê li şûna wê bê avakirin jî girîng e û wiha domand: “Bakur û Rojhilatê Sûriyeyê ji despêka krîza Sûriyeyê ve banga yekitî, biratî, wekhevî û avakirina civakeke demokratîk dike, bawer dike ku dê gelên Sûriyeyê re doza xwe çareser bikin û welatekî demokratîk ava bikin.”

	&nbsp;

	TEV-DEM’ê destnîşan kir ku heke înkar û hewldanên têkbirina destkeftiyên Bakur û Rojhilatê Sûriyeyê bên domandin, wê berxwedana dîrokî bê meşandin û şoreşa 19’yê Tîrmehê wekî mînak hat nîşandan.&nbsp;

	&nbsp;

	ÊRIŞÊN DEWLETA TIRK

	&nbsp;

	Di daxuyaniyê de êrişên dewleta tirk û komên wê yên paramîlîter jî hatin şermezarkirin û hat gotin ku dewleta tirk bi êrişên li ser Minbicê ku di roja hilweşandina rejîma Suriyeyê de zêde kirin, îspat kir ku wekî rejîma Baas çareseriyê naxwaze.

	&nbsp;

	BANG

	&nbsp;

	Di dawiya daxuyaniyê de bang li raya giştî û hêzên navneteweyî hat kirin ku li hemberî terora dewleta Tirk rawestin û hesab jê bixwazin. Bang li gelê gelên herêmê, partî û rêxistinan jî hat kirin ku yekitî û hevgirtina xwe xurt bikin û li hemberî şerê taybet, bi ruhê şorişa “Jin, Jiyan, Azadî” li rex berxwedana hêzên HSD’ê bisekinin.

	&nbsp;