
Di doza Ozgur Gundemê de ceza hate dayin

2024-12-26 11:58:59


	STENBOL - Di doza rojnameya Ozgur Gundemê de ku rêveber û nivîskarên wê bi îdiaya “propagandaya rêxistinê” tên darizandin, 11 sal û 7 meh cezayê hefsê hate dayin.&nbsp;

	Rojnameya Ozgur Gundemê bi KHK’ê hatibû girtin û derheqê rêveber û nivîskarên wê Huseyîn Aykol, Ayşe Batumlu Kaya, Eren Keskîn û Reyhan Çapan de bi îdiayên “Nûçeyên ku çalakiyên tundiyê rewşa nîşan didin weşandine”, “Propagandaya rêxistinê” û “Ji bo sûc were kirin yekser tehrîk kiriye” doz hatibû vekirin. Danişîna biryarê ya jinûvedarizandinê ya dozê li 14’emîn Dadgeha Cezayên Giran a Edliyeya Stenbolê ya li Çaglayanê hat lidarxistin. Parêzer Ozcan Kiliç û Sercan Korkmaz di danişînê de amade bûn.&nbsp;

	&nbsp;

	Dozger, mutalaaya xwe ya ku ceza dixwest dîsa dubare kir.&nbsp;

	&nbsp;

	Dadgehê jî biryara xwe eşkere kir. Di biryara xwe dadgehê got ku ji ber dosyayeke cuda ya têkildarî Ozgur Gundemê bi îdiaya “Endamtiya rêxistinê” 6 sal û 3 meh cezayê hefsê li Eren Keskîn hatiye birîn û tu biryar neda.&nbsp;

	&nbsp;

	Dadgehê, bi îdiayên “Propagandaya rêxistinê” û “Ji bo sûc were kirin tehrîk kiriye”, 4 sal û 4 meh û 15 roj cezayê hefsê da Midûra Karên Nivîsan a Berpirsyar a berê Reyhan Çapan û Gerînendeyê Giştî yê Weşanê Huseyîn Aykol û salek û 21 meh û 2 roj jî cezayê hefsê da nivîskara rojnameyê Ayşe Batumlu.&nbsp;

	&nbsp;