Êrişî gundên Bakur û Rojhilata Sûriyeyê tê kirin 

2025-01-31 19:53:30


	 

	NAVENDA NÛÇEYAN - Dewleta tirk bi çekên giran êrişî Bendava Tişrînê û gelek gundên kantonên Cizîr û Firatê kir.

	 

	Dewleta tirk û hêzên paramîlîter ên girêdayî wê bi top, obus û çekên giran gelek gundên Cizîr û Firatê bombebaran kirin. Bajarê Zirgan û gundên Rebiat, Til El-Werid , Xirbet El-Şeîr ve Eboş bi obusan tê topbarankirin.

	 

	Bendava Tişrîn tevahiya rojê bi çekên giran hat bombebarankirin.  

	 

	Gundê Tirweziye yê başûrê bajarokê Silûkê û gundê Îbrahîm Kurdo yê rojavayê Girê Spî bi çekên giran û topan hatin bombebarankirin.

	 

	Gundê Cedê yê Kobanê bi obîsan hate topbarankirin. 

	 

	Gundê El Sefawiyê yê li rojhilata Eyn Îsa ye bi çekên giran û topan hate bombebarankirin.